1 SAMUIL 29:3 - Tanou Moonsoi Timugon

³ Pakakito panglima ru ulun ru Palistin ri Daut am ulun-ulun nano, pangkuot ilo, “Kua ra ngaangai' ru ulun ru Ibrani ti soroi ragiti?” Taam Raja' Akis, “Gitio i Daut, ondo' ragili pagawai ru Raja' Saul intor ra Israil. Lalair io noyo minayan raki'. Intor ra io minatong raki' saboi ra orou raiti', kalo igondo' ku io karampati' ra makasala.”

1 SAMUIL 29:3 ပူးပေါင်းရင်းမြစ်များ

KASAUKAN 14:13

Kaa' sangulun ondo' nakapagiru' am minongoi pambala' ra ngaangai' no ri Abram, ulun ru Ibrani no. Minayan i Abram maar ra puun-puun matulai, longgom ri Mamri ulun ru Amori. I Mamri am pabukat-pabukat ungkuyon nano, i Iskol am i Anir rangan pagamung ri Abram.

1 TUNUNG RU BANSA' ISRAIL 12:19

Kukula' ngaulun saujor intor ra bansa' ru Manasi nagamung ri Daut paat ri Daut nababaya' ra ulun ru Palistin minongoi pangayou ra Raja' Saul. Sotopot no, i Daut kalo nangindangan ra ulun ru Palistin, sabap ra raja'-raja' ru ulun ru Palistin malaa' ri Daut manumbalik risilo am manaung ra Raja' Saul, tuan nano ragili.

1 TUNUNG RU BANSA' ISRAIL 12:20

Gitilo noyo saujor-saujor intor ra bansa' ru Manasi ondo' nagamung ri Daut paat ri Daut ralalom pangkiralanan muli' ra Jiklag: I Adnah, Jojabad, Jidiail, Maikol, Jojabad, Iligu am Jilitai. Ilo sigagama' naningganai ra pulalai saribu ngaulun.

DANIL 6:5

Baal raginio nangkinibit ra ulun-ulun magalung am gabenor ra bokon mirot koson maguyum ra kasalaan ri Danil ralalom ru kandoi pamarintaan no, kaa' kalo nakasugut ilo sabap ri Danil gumagaya', mabanis guang am kalo makalilian.

JUANIS 19:6

Kakito Io ayuk ru tingganai imam Jaudi am pulis-pulis ru Baloi Tuhan no, golok ilo, “Salipo' Io, salipo' Io!” Indagu i Pilatus risilo, “Alapo' min noyo Io am akau galama' ayuk manalip Riso, sabap ra kalo natuum ku rondo' pana sala nati.”

ROMA 12:17

Pai' pambalos ra ulun ondo' lumaat ramuyun. Kinam kano pambaal ra moonsoi, ioginio ondo' iowon ra matanda' ru ngaangai' ulun.

1 PITRUS 3:16

Kaa' baalo' noyo gitio mabaya' ra guang minggana' am urumat. Musiti' bolos ru guang min mapasau, maa' raginio sasanggilan ayuk ra akau asabin, ulun magasab no galama' mauyu', sabap ra kaayagan moonsoi mino koson ra sangulun Kristian.

1 SAMUIL 14:11

Ginio ra pinoloso nilo ulun ru Palistin nakakito risilo. Indagu boo ulun ru Palistin, “Ilai' kon! Mokoondo' ulun ru Ibrani miningkual intor ra luang nansibunian nilono!”

1 SAMUIL 25:28

Ampuno' noyo kasalaan kutu. Maaru' Tuhan no mapasauk rirun am papag muno raja' ru Israil, sabap ra nangayou kou ra tayar ru Tuhan; kalo mambaal kou ra atan pana kalaatan ra buoi ru bayag muno.

1 SAMUIL 27:1

Nangkara' i Daut, “Atan pana kulaan niayuk, rondo' orou no Raja' Saul no mamatoi raki'. Moonsoi poyo magiru' aku giu' ra pagun ru ulun ru Palistin. Mopongo raginio Raja' Saul no kalo boo maguyum raki' giu' ra Israil, am aku pana mamimio.”

1 SAMUIL 27:7

Minayan i Daut ra pagun ru ulun ru Palistin buoi sambilor am apat ngansila'.

1 SAMUIL 29:6

Nampiau Raja' Akis ri Daut am indagu riso, “Nagibot aku ra sabap ra Tuhan ondo' naayag, ondo' sambaan ru Israil ra gumagaya' kou raki'. Masaga' aku ra okou maya' raki' mongoi ra pangayawan ti sabap ra intor ra okou minatong raki', kalo igondo' kou makasala raki'. Kaa' raja'-raja' ra bokon kalo masaga' rirun.

1 SAMUIL 4:6

Nokorongog niayuk saujor ru Palistin ra noloos no am indagu, “Kua nua' noloos ulun ru Ibrani no?” Kaa' kalupus ra ilo nakapandai ra Kaban Nabantuan ru Tuhan nakasaboi noyo ra pangkiman ru ulun ru Ibrani,