1 SAMUIL 29:10 - Tanou Moonsoi Timugon

¹⁰ Ginio ra susuab no, akau ngaangai' no ondo' nangiruan noyo ra Raja' Saul am minatong raki', moonsoi rumondom kau kumarat ra susuab ti am mataki' mugar ra kalo poyo sumirang mato ru orou.”

1 SAMUIL 29:10 ပူးပေါင်းရင်းမြစ်များ

1 TUNUNG RU BANSA' ISRAIL 12:19

Kukula' ngaulun saujor intor ra bansa' ru Manasi nagamung ri Daut paat ri Daut nababaya' ra ulun ru Palistin minongoi pangayou ra Raja' Saul. Sotopot no, i Daut kalo nangindangan ra ulun ru Palistin, sabap ra raja'-raja' ru ulun ru Palistin malaa' ri Daut manumbalik risilo am manaung ra Raja' Saul, tuan nano ragili.

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;

1 KORINTUS 10:13

Moonong pangkinaman ondo' matuum mino, io no rondo' kaindalaman masalok matuum ru ulun. Kaa' suguton ri Aki Kapuuno' bantu' Nano am kalo mompoloso Io ramuyun kinamin makajanjai ra ikang mino. Paat ra akau matiu' ra pangkinaman, mampaikang Io ramuyun, maa' raginio moorot min.

1 TUNUNG RU BANSA' ISRAIL 12:22

Maar moonong orou mokoondo' ulun bagu ondo' magamung ri Daut, saboi kalo nabuoi raginio pulalai ri Daut nasauk ra maayo kaga'.

KASAUKAN 22:14

Inggalani' ri Abragam intok raginio ra “Tuhan momongo ra atan ondo' koogot”. Saboi boo raino ulun mindagu ra “Giu' ra tampak ru gunung Nano, Tuhan momongo ra atan ondo' koogot.”

1 SAMUIL 29:11

Ginio ra i Daut am ulun-ulun nano riminondom minugar ra suabon no, am minuli' ra pagun ru Palistin. Saujor-saujor ru Palistin naparayus ra pangkiralanan nilo minongoi ra Jijriil.