1 SAMUIL 28:8 - Tanou Moonsoi Timugon

⁸ Ginio ra siminalu Raja' Saul maa' raginio kalo mauligan ru ulun. Nambayang io ra bayang ra bokon. Binaya' ru ruo ngaulun ungkuyon, minugar Raja' Saul tampilon ra rondom. Nakasaboi ilo ra baloi ru ulun mampiau ra ambiluo ru ulun minatoi no, am indagu Raja' Saul, “Piawo' noyo ambiluo ru ulun ondo' sabiton ku inggalan nano, am kitaako' noyo maa' raginio manala' io ra atan boo ondo' masauk.”

1 SAMUIL 28:8 ပူးပေါင်းရင်းမြစ်များ

1 RAJA'-RAJA' 22:30

Indagu Raja' Agab ra Raja' Josapat, “Paat ra itakau mangayou, sumalu aku, kaa' okou raja' mambayang ra bayang ru raja'.” Ginio ra raja' ru Israil no siminalu paat minongoi pangayou.

1 RAJA'-RAJA' 22:34

Nakainamot ra sangulun saujor ru pagun ru Siria napalabus ra anak panah nano ondo' nakatiu' ra Raja' Agab ginio ra patunggulan ru bayang mantula' nano. Golok Raja' Agab ra ulun mampaugar ra kurita' kuda nano, “Napilat aku! Palimpuongo' kurita' kuda ti am ingkual intor ra pampatayan ti!”

1 TUNUNG RU BANSA' ISRAIL 10:13

Raja' Saul minatoi sabap ra kalo giminagaya' io ra Tuhan, am kalo siminugut ra susuban ru Tuhan. Nakitulu' Raja' Saul intor ra ambiluo ru ulun namagatoi,

2 TUNUNG RU BANSA' ISRAIL 18:29

Kon ru Raja' Agab ra Raja' Josapat, “Paat ra itakau mangayou, sumalu aku, kaa' okou mambayang ra bayang ru raja'.” Ginio ra raja' ru Israil siminalu paat ra minongoi pangayou.

2 TUNUNG RU BANSA' ISRAIL 35:22

Kaa' Raja' Josia jajajal koson mongoi pangayou. Kalo linio no ragu ri Aki Kapuuno' ondo' rinagu ru Raja' Niko. Siminalu Raja' Josia am nangayou giu' ra tana' marata' ru Migido.

JISAYA 8:19

Kaa' ulun manusub ramuyun makitulu' intor ra ulun mangilong am babalian ondo' konos-konos am kuniam-kuniam. Mindagu ulun, “Sala' ka kia musiti' takau makitulu' intor ra ulun namagatoi koson kaatangan ru ulun lakat poyo maayag?”

JIRIMIA 23:24

Kolondo' sangulun pana makapansibuni intor ra pagilangan Kuno, sabap ra soroi Aku ra ati-ati, giu' ra suruga' am giu' ra tana'.

YEHEZKIEL 12:6

Polosoo' noyo ilo magilong rirun mansaan ra kuntil muno am mingkual mongoi ra intok ondo' molondom ra bulos sinilian maa' raginio kalo makito mu ralan bayaan. Binaal muno masauk ra pangkaraan ra ulun ru Israil.”

JUANIS 3:19

Gitio noyo ukuman ti: sinda no nakaratong noyo ra tana' ti, kaa' ulun masaga' poyo ra kalandaman intor ra sinda sabap ra ondo' baalon nilai malaat.