1 SAMUIL 28:7 - Tanou Moonsoi Timugon

⁷ Ginio ra indagu Raja' Saul ra pagawai-pagawai nano, “Paguyum kano ra sangulun ruandu' mampiau ra ambiluo ru ulun minatoi. Masaga' aku tumuum riso koson makitulu'.” Taam ilo, “Giu' ra In-Dor mokoondo' sangulun mampiau ra ambiluo ru ulun minatoi.”

1 SAMUIL 28:7 ပူးပေါင်းရင်းမြစ်များ

2 RAJA'-RAJA' 6:33

Kalo poyo nakai' ragu-ragu ri Ilisa, raja' pana minatong am indagu, “Tuhan naparatong ra kapaganan ti ritakau! Atan kia onong kuno maginaa ra indangan Nano?”

1 TUNUNG RU BANSA' ISRAIL 10:13

Raja' Saul minatoi sabap ra kalo giminagaya' io ra Tuhan, am kalo siminugut ra susuban ru Tuhan. Nakitulu' Raja' Saul intor ra ambiluo ru ulun namagatoi,

MAZMUR 83:10

Ondo' poyo pamakuan Muno ra ulun ru Midian, am Sisira am niayuk Jabin giu' ra sungoi ru Kisyon, ginio niayuk pamakuan Muno risilo.

JISAYA 19:3

Ampangin Ku inatangan ru ulun ru Misir am polowoon Ku guang nilono. Makiindangan ilo ra ngaangai' sinungkalalaing nilono, makibilin am makitulu' ilo ra babalian am ambiluo ru ulun namagatoi.

IMAMAT 19:31

“Pai' ongoi pakibilin intor ra ulun ondo' mapandai makimansunur ra ambiluo ru ulun namagatoi. Amon ru mambaal kau raginio, majamol kau. Aku noyo Tuhan i Aki Kapuuno' min.

ABAKUK 2:3

Tulisi' tanou no sabap ra kalo poyo nasaboi orou koson masauk. Kaa' orou raginio mataki' matong am atan ondo' pabalaan Kuno rirun maaru' masauk. Kabalu' pana ilain ra orou raginio mabuoi matong, kaa' kulimano' ayuk; baal raginio maaru' masauk am kalo painjulon.

RINALATAN 16:16

Igondo' ragili, paat ra akai minongoi ra intok pakiasian, pakatuum akai sangulun ulipon ruandu'. Mokoondo' io ra ambiluo ondo' mapandai magilong ra nasip ru sasangulun. Kandoi no raginio niayuk panginduitan maayo ra nangandayan nali.

SAGULION 18:11

kapoam kapandayan ru sihir, kapoam makitulu' ra ambiluo ru ulun minatoi.

JOSUA 17:11

Ralalom ru wilayah Isakar am Asyir, bansa' ru Manasi tatangan ra bandar Bit-Sian am Jibliam nabaya' ra ngaangai' pekan ra liliut nano, nakaaya' niayuk bandar Dor (ondo' igig ru nagas), Indor, Taanak, Migido am bandar-bandar giu' ra liliut no.

1 SAMUIL 28:3

Minatoi noyo i Samuil am tinangian io ru ngaangai' ru ulun ru Israil, am linobong giu' ra Rama, bandar nano. Kukula' buoi ra nakasail no pinagiru' ru Raja' Saul ngaangai' mangngilong am mampiau ra ambiluo ru ulun minatoi intor ra Israil.