1 SAMUIL 28:3 - Tanou Moonsoi Timugon

³ Minatoi noyo i Samuil am tinangian io ru ngaangai' ru ulun ru Israil, am linobong giu' ra Rama, bandar nano. Kukula' buoi ra nakasail no pinagiru' ru Raja' Saul ngaangai' mangngilong am mampiau ra ambiluo ru ulun minatoi intor ra Israil.

1 SAMUIL 28:3 ပူးပေါင်းရင်းမြစ်များ

1 SAMUIL 25:1

Kopongo raginio i Samuil minatoi. Ngaangai' ulun ru Israil timinimung am nanulaboi riso. Linobong nilo baangkai ri Samuil ra baloi nano giu' ra Rama. Kopongo raginio minongoi i Daut ra tana' kaagisan Paran.

IMAMAT 20:27

Moonong ungkuyon kapoam ruandu' ondo' mapandai makimansunur ra ambiluo ru ulun namagatoi, musiti' bobolon saboi matoi. Ulun ondo' mambaal ragitio matoi sabap ra kasalaan galama'.”

IMAMAT 19:31

“Pai' ongoi pakibilin intor ra ulun ondo' mapandai makimansunur ra ambiluo ru ulun namagatoi. Amon ru mambaal kau raginio, majamol kau. Aku noyo Tuhan i Aki Kapuuno' min.

KAINGKUALAN 22:18

“Potoyo' moonong ruandu' ondo' mapandai kaga' ra sihir.

1 SAMUIL 28:9

Taam ruandu' no, “Maaru' okou pana nakapandai ra jinajalan noyo ru Raja' Saul no ngaangai' mangngilong am mampiau ra ambiluo ru ulun minatoi koson mangiruan ra Israil. Kua pangkinam kou mangurana' raki' saboi potoyon aku?”

1 SAMUIL 15:23

Gumuor ra Tuhan nogondo' laat no ra mambaal ra sihir, am guang ra malilimbau nogondo' laat no ra sumamba ra sinungkalalaing. Ginio sabap ra okou nangimpai ra susuban ru Tuhan, Tuhan pana nangimpai rirun koson ra raja'.”

1 SAMUIL 7:17

Kopongo raginio masalok io muli' ra baloi nano giu' ra Rama. Giu' no nasauk io niayuk ra akim ru ulun ru Israil. Giu' ra Rama, nambaal io rondo' altar ra tayar ru Tuhan.

IMAMAT 20:6

“Osoi ayuk mongoi pakibilin intor ra ulun ondo' mapandai makimansunur ra ambiluo ru ulun namagatoi, ukumin Ku am kalo boo mangkara' Aku ra ulun Kuno.

KAINGKUALAN 22:17

Kaa' amon ru kalo mangiou ama' ru ralaa no ra ungkuyon no maguot ra anak nano, musiti' ungkuyon no mambayar ra ruit suang ru mulo ru sangulun ralaa ra ama' no.