1 SAMUIL 27:1 - Tanou Moonsoi Timugon

¹ Nangkara' i Daut, “Atan pana kulaan niayuk, rondo' orou no Raja' Saul no mamatoi raki'. Moonsoi poyo magiru' aku giu' ra pagun ru ulun ru Palistin. Mopongo raginio Raja' Saul no kalo boo maguyum raki' giu' ra Israil, am aku pana mamimio.”

1 SAMUIL 27:1 ပူးပေါင်းရင်းမြစ်များ

1 RAJA'-RAJA' 12:26

Koon nano ralalom ru guang, “Ralalom ru baal ra raino ti, amon ru mamagun kuno mongoi ra Jirusalim koson mampataak ra taak simbalui ra Tuhan giu' ra Baloi ru Tuhan, gagaya' nilono mongoi ra Raja' Rigabiam giu' ra Jiuda, am mamatoi ilo raki'.”

1 RAJA'-RAJA' 12:28

Kopongo ra nabuoi nangkara', Raja' Jirobiam nambaal ruo sinungkalalaing sapi' gawayan intor ra mas am indagu ra mamagun nano, “Sama' noyo buoi min minongoi sambayang giu' ra Jirusalim. Raino, akau Israil, gitio noyo tuhan-tuhan min ondo' nagibit ramuyun miningkual intor ra Misir!”

1 RAJA'-RAJA' 19:3

Nalaa' i Ilia, io pana am ulipon nano nagiru' minongoi ra Birsyiba giu' ra Jiuda. Tatango' ri Ilia ulipon nano ra giu' no,

2 TUNUNG RU BANSA' ISRAIL 25:17

Raja' Amajia intor ra Jiuda am ulun-ulun maminson riso naguguum manggal ra Israil. Nangator io ra sangulun sinusub mongoi ra raja' ru Israil, iono Raja' Jigoas anak ungkuyon ru Raja' Jigoagas, akupu ru raja' Jigu, koson makimangayou riso.

MAZMUR 116:11

Kabalu' pana magalabo mindagu aku, “Kolondo' sangulun pana maintopot.”

MAZMUR 55:7

Amon ru makakawo aku koson ra susuit asang, mansiab aku maguyum ra intok ra kalinuos ayuk.

KAINGKUALAN 14:12

Kalo poyo minintor takau, minindagu akai noyo ra masauk baal ragitio. Nambala' akai noyo rirun maa' raginio kalo mampajajou ramon, am mopoloso ramon marayus masauk ra inulipon ru ulun ru Misir. Moonsoi poyo masauk akai ra inulipon ra giu' i ka matoi ra tana' kaagisan ti.”

AMSAL 13:12

Bulintok kalansanan matutuk, guang pana matutuk; bulintok ra gogoton masugut, guang maansukan.

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

UNTABAN 14:3

Kua kasaga' Tuhan magibit ramon giu' ra tana' no? Matoi akai ra pangayawan, am rokopon andu' anak mai. Kalo kia moonsoi poyo ru sumaguli' akai ra Misir?”

MATIUS 14:31

Paat niayuk ragili patutuyo' ri Jisus kalindu' Nano am guuto' No i Pitrus. Indagu Io, “Mumpara' boo borok ru pangintapatan muno! Kua kaimamang kou?”

MARKUS 4:40

Indagu Io risilo, “Kua kalaa' kau koson raginio? Kua pai' kau pangintopot Raki'?”

2 KORINTUS 7:5

Paat ra akai nakasaboi ra pagun Makidonia kolondo' tangus mai, sabap ra ati-ati ayuk makakapaganan: mokoondo' mantataam ramon am guang mai galama' pana malaa'.

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

1 SAMUIL 16:13

Nangalap i Samuil ra umau jaitun, am nampili' ri Daut no am nangumau ra ulu ri Daut no ra umau giu' ra saang ru ngaangai' maayo ri Daut. Paat raginio niayuk Ambiluo ru Tuhan nanguasa' ri Daut am nabaya' riso intor ra orou raginio. Kopongo raginio minuli' i Samuil giu' ra Rama.

1 SAMUIL 20:3

Taam i Daut, “Nakapandai ama' muno ra motogom kou kaga' raki'. Ginio ra kalo nambala' ama' muno rirun ra atan ondo' inatang nano, maa' raginio kalo mangiluk guang muno. Magibot aku ralalom inggalan ru Tuhan ondo' naayag ra sotopot no kaayagan kutu matikapulir ra kapatayan!”

1 SAMUIL 22:5

Kopongo raginio, sangarawan raginio sangulun nabi ondo' makainggalan ri Gad minatong ri Daut am indagu, “Pai' ayan ra luang batu ti. Ongoi noyo mataki' ra tana' Jiuda.” Iruani' boo ri Daut intok raginio am ongoi ra kataunan ru Kirit.

1 SAMUIL 23:17

Kon ri Jonatan riso, “Pai' kalaa', kalo marakop kou ru ama' kuno. Nakapandai io toojo ra okou noyo masauk ra raja' ru Israil am ra aku ti makaintok ra ragana' muno.”

1 SAMUIL 25:30

Mambaal Tuhan ra ngaangai' moonsoi ondo' binantu' Nano rirun, am kalo boo mabuoi okou pasaukon No ra raja' ru Israil.

1 SAMUIL 26:19

Raja' kuno, rongogo' ragu kutu. Amon ru Tuhan no nanusub rirun maa' raginio gumula' raki', rondo' taak ru taak simbalui makasalui ra sangit Nano raki'. Kaa' amon ru ondo' nanusub rirun no ulun, gama' ru ulason ilo ru Tuhan! Kinibit ru binaal nilono, aku ti pinagiru' noyo intor ra tana' longgom ru Tuhan am minugar kalalaat minongoi ra pagun ra bokon. Giu' no musiti' aku sumambayang ra dewa-dewa ru ulun bansa' ru bokon.

1 SAMUIL 29:2

Limo ngaulun raja' ru Palistin baris ra minugar nababaya' ra pulalai-pulalai intor ra maatus ngaribu am saribu ngaulun. I Daut am ulun-ulun nano baris ra tinaulian nababaya' ra Raja' Akis.

1 SAMUIL 29:3

Pakakito panglima ru ulun ru Palistin ri Daut am ulun-ulun nano, pangkuot ilo, “Kua ra ngaangai' ru ulun ru Ibrani ti soroi ragiti?” Taam Raja' Akis, “Gitio i Daut, ondo' ragili pagawai ru Raja' Saul intor ra Israil. Lalair io noyo minayan raki'. Intor ra io minatong raki' saboi ra orou raiti', kalo igondo' ku io karampati' ra makasala.”