1 SAMUIL 26:8 - Tanou Moonsoi Timugon

⁸ Kon ri Abisai no ri Daut, “Pinataak noyo ri Aki Kapuuno' no pantula' muno rirun ra rondom raiti'. Iowo' aku ti mapatura' ra tutura' nano galama' ra inan nano saboi makaujak ra tana'. Aku ondo' mamatoi riso ra igondo' tura' ayuk, kalo pana saboi induo!”

1 SAMUIL 26:8 ပူးပေါင်းရင်းမြစ်များ

2 SAMUIL 16:9

I Abisai, ina' nano iono i Jiruya, mindagu ra raja', “Kua polosoo' mu uku' ti magulas rirun? Iowo' aku manginggulu' ra ulu nano!”

MAZMUR 31:8

Maansukan am magitapap aku ra longon, sabap ra Okou noyo monogom raki'. Makito Mu imbolo' kuno; am mapandayan Mu kapaganan kuno.

JIRIMIA 40:15

I Joganan pana mindagu boo riso ra sininok, “Iowo' noyo aku mamatoi ri Ismail. Kolondo' osoi pana nakapandai raginio. Kua kia pinoloso io mamatoi rirun? Baal raginio mangkinibit ra ngaangai' ulun ru Jaudi ondo' timinimung nababaya' rirun nakapantuliar saguli', am karaat ra liminumpa' ra ngaangai' ulun ondo' lakat poyo soroi giu' ra Jiuda.”

NAGUM 1:9

Kalaatan ra atan kia ondo' inatang min ra Tuhan? Mamuso Io ramuyun ngaangai'. Io kalo pana mansuli' saboi induo ra pantula' Nano.

ROMA 11:32

Ngaangai' ulun inukum noyo ri Aki Kapuuno' koson ra ulun inaput, sabap ra ilo ti kalo giminagaya' Riso. Maa' raginio makapangasi' Io ra ngaangai' ulun.

SAGULION 32:30

Kua kia saribu ngaulun naala ru sangulun, am mopor ngaribu ngaulun naala ru ruo ngaulun ayuk? Tuhan, Aki Kapuuno' nilo nangiruan noyo risilo; i Aki Kapuuno' nilo ondo' mapanggol napataak noyo risilo ra pantula'.

JOSUA 21:44

Nanaak Tuhan risilo ra kamiaan giu' ra titikop ru tana' no koson ra binantu' Nano ra kinamatuaan nilai. Kolondo' sangulun pantula' pana makaanggal risilo, sabap nanaak noyo Tuhan ra ulun ru Israil ra kamanangan ra ngaangai' pantula'.

TINGGANAI RU BANSA' 1:4

minongoi pamulunsar nababaya' ra bansa' ru Jiuda. Nanaak Tuhan risilo ra kamanangan ra ulun ru Kanaan am ulun ru Piris. Kinala nilo mopor ngaribu ngaulun saujor giu' ra Bijik.

1 SAMUIL 23:14

Nansibuni i Daut giu' ra intok-intok panindungan giu' ra kabuluran, giu' ra tana' kaagisan Jiip. Masalok io ilolowon ru Raja' Saul, kaa' Tuhan kalo napataak riso ra Raja' Saul.

1 SAMUIL 24:4

Nakasaboi Raja' Saul giu' ra rondo' intok mamaar ra kukula' kandang ru domba ra kiing ru ralan. Siminubol Raja' Saul no ra ralalom ru luang batu ra giu' no ra mampangara'. Nakainamot toojo ri Daut am ulun-ulun nano tatanga' nansibuni ra luang batu raginio niayuk, giu' ra ujok poyo.

1 SAMUIL 24:5

Indagu ulun ri Daut no riso, “Gitio noyo kaluagan muno. Sala' ka nakaindagu alia Tuhan no rirun koson ragitio, ‘Pantula' muno pataakon Kuno rirun, guguang muno mambaal ra kasagaan muno riso.’ ” Kopongo raginio simininok i Daut minongoi ra intok ru Raja' Saul am kalo nangginia' namutul koborok ra kiing ru sukub ru Raja' Saul.

1 SAMUIL 26:23

Tuhan masalok mambarakat ra ulun ondo' gumagaya' am mabanis guang. Kabalu' pana ra orou raiti' okou pinataak No noyo raki', kaa' kalo lumaat aku rirun, raja' ondo' pinili' noyo ru Tuhan.

1 SAMUIL 26:7

Paat ra rondom raginio i Daut am i Abisai simininok umpos ra pangkiman ru Raja' Saul, am nakakito ra Raja' Saul tatanga' nombolong giu' ra tanga' ru pangkiman. Tutura' ru Raja' Saul no paritansok ra tana' mamaar ra ulu nano. I Abnir am pulalai nano nombolong giu' ra liput ru Raja' Saul.

1 SAMUIL 26:9

Kaa' indagu i Daut, “Pai' mu jamari' io! Maaru' Tuhan no mangukum ra ulun ondo' lumaat ra raja' ondo' pinili' Nano.