1 SAMUIL 26:5 - Tanou Moonsoi Timugon

⁵ Nagindibok i Daut minongoi ra pangkiman ru Raja' Saul, am kakito no ra kim kaalangan ru Raja' Saul no mamaar ri Abnir anak ri Nir, panglima ru saujor. Kim ru Raja' Saul no nakaayan tatanga' am saujor-saujor nano nangkim ra liput no.

1 SAMUIL 26:5 ပူးပေါင်းရင်းမြစ်များ

2 SAMUIL 3:27

Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

1 TUNUNG RU BANSA' ISRAIL 9:39

Ama' ru Raja' Saul ininggalanan ri Kis am aki nano ininggalanan ri Nir. Raja' Saul mokoondo' apat anak ungkuyon: I Jonatan, Malkisua, Abinadab am Isybaal.

1 SAMUIL 17:20

Suabon no ra iosusuab ayuk poyo, timinirong i Daut am timinampos. Nanusub io ra ulun bokon magalung ra domba. Io pana nagibit ra akanon no am minugar koson ra nanusuban ri Isai. Nakasaboi io ra pangkiman nakainamot ra ulun ru Israil tatanga' baris liliwa' mompogolok ra pulanu ru pangayawan.

1 SAMUIL 17:55

Pakakito Raja' Saul ri Daut giminula' ri Goliat, nangkuot io ri Abnir, panglima saujor nano, “Abnir, osoi ra anak kia buayoi raginio?” Taam i Abnir, “Raja' kuno, kalo nakapandai aku.”

1 SAMUIL 26:4

Ginio ra nangator io ra kukula' ngaulun pansigo. Binalaan io boo ra motopot Raja' Saul soroi ra giu' no.

1 SAMUIL 9:1

Mokoondo' sangulun ungkuyon ondo' langkaya' am makakuasa' intor ra bansa' ru Binjamin. Inggalan ru ulun no i Kis anak ri Abiil, akupu ri Jiror, intor ra sasambaloi ri Bikorat, iono santayaran intor ra bansa' ru Apia.