1 SAMUIL 26:24 - Tanou Moonsoi Timugon

²⁴ Koson ra aku nopoloso rirun naayag, gama' ru Tuhan niayuk mopoloso rirun maayag am mapalabus rirun intor ra ngaangai' kapaganan!”

1 SAMUIL 26:24 ပူးပေါင်းရင်းမြစ်များ

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

2 SAMUIL 4:9

Kaa' taam Raja' Daut, “Tuhan ondo' maayag, ondo' namayag raki' intor ra ngaangai' baal makalalaa', nakapandai ra ondo' raguon kutu motopot.

MAZMUR 144:2

Io noyo mangampin am manungka' raki', mamamayag raki' am intok kuno sumindung; sumingkayut aku Riso maa' raginio maayag aku. Ngaangai' bansa' pinakuku' No ra kuasa' kuno.

MAZMUR 18:1

Ra tingganai ru santimungan maririmbai. Mazmur ri Daut, ulipon ru Tuhan. Rinimbai ra Tuhan paat ra Tuhan namayag ri Daut intor ra Raja' Saul am niayuk intor ra ngaangai' pantula' nano.

MAZMUR 18:25

Ginio ra moonsoi balos Nano raki' sabap ra nambaal aku ra motopot, sabap ra nakapandai Io ra aku ti kolondo' sala.

MAZMUR 18:48

Pinamanang No aku intor ra pantula' kuno; kinuasa' No ngaangai' bansa' ra saang kuno

MAZMUR 34:20

Ulun ra moonsoi malimanan no masuang kapaganan, kaa' Tuhan mamayag risilo intor ra ngaangai' no;

MAZMUR 54:7

Polosoon i Aki Kapuuno' mangukum ra pantula' kuno ra kalaatan nilo, am mamuso risilo sabap ra mampagagaya' Io raki'.

MATIUS 5:7

Pakaansuk noyo ulun ondo' maluoi makaasi' ra ulun ra bokon, sabap ra i Aki Kapuuno' niayuk makaasi' risilo.

MATIUS 7:2

sabap ri Aki Kapuuno' mangakim ramuyun koson akau mangakim ra ulun bokon. Panuku' ondo' alapon mino koson mangakim ra ulun bokon, panuku' raginio niayuk alapon ri Aki Kapuuno' koson mangakim ramuyun.

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

2 TISALONIKA 3:2

Pakiasi' kano niayuk ri Aki Kapuuno' ra mampainggalur ramon intor ra ulun malaat, sabap ra pai' ru ngaangai' ulun mangintopot ra Tanou Moonsoi.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.

1 SAMUIL 18:30

Pogonong ra saujor ru Palistin mamulunsar, makasugut poyo i Daut nangala risilo intor ra pagawai ru Raja' Saul ra bokon no. Kon raginio noyo i Daut nasauk ra nauligan kaga'.

1 SAMUIL 24:16

Tuhan no mangakim rirun am aku, am mangaru' ra osoi ondo' makasala. Gama' ru Io manutun ra baal ragitio, am manaung raki' am niayuk mamayag raki' intor rirun.”