1 SAMUIL 26:19 - Tanou Moonsoi Timugon

¹⁹ Raja' kuno, rongogo' ragu kutu. Amon ru Tuhan no nanusub rirun maa' raginio gumula' raki', rondo' taak ru taak simbalui makasalui ra sangit Nano raki'. Kaa' amon ru ondo' nanusub rirun no ulun, gama' ru ulason ilo ru Tuhan! Kinibit ru binaal nilono, aku ti pinagiru' noyo intor ra tana' longgom ru Tuhan am minugar kalalaat minongoi ra pagun ra bokon. Giu' no musiti' aku sumambayang ra dewa-dewa ru ulun bansa' ru bokon.

1 SAMUIL 26:19 ပူးပေါင်းရင်းမြစ်များ

KASAUKAN 44:18

Inggaar i Jiuda ri Jusup am indagu, “Tuan, makimaap aku, paindaguo' aku poyo galing. Pai' noyo sangit raki'. Okou ti koson ra raja' galama'.

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

2 SAMUIL 14:16

Mangkara' aku ra mangkirongog kou am mamayag raki' intor ra ulun ondo' mirot mamatoi raki' am anak kuno. Kuayan nilo manginggi' ramon intor ra tana' ondo' tinaakan ri Aki Kapuuno' ra ulun Nano.

2 SAMUIL 16:10

Kaa' indagu raja' no ri Abisai am maayo nano i Joab, “Pai' sombot. Polosoon ayuk io magulas raki'. Amon ru manusub Tuhan riso magulas raki', osoi kia makakau' mangkuot kua baalo' no ginio?”

2 SAMUIL 16:11

Kon ru Raja' Daut ri Abisai am ra ngaangai' ru pagawai nano, “Anak kuno galama' mirot mamatoi raki'; kua piboo pangimuag kou magilong ra paliso ru ulun ru Binjamin ti? Tuhan no nanusub riso magulas raki', sabap raginio pai' jajajou pamakuan riso, am polosoon ayuk io magulas raki'.

2 SAMUIL 20:19

Bandar maiti maayo, rondo' ra bandar ondo' namimio toojo am gumagaya' toojo ra pagun ru Israil. Kua kia masaga' kou mapalunsai raginio? Masaga' kou kia mapalunsai ra longgom ru Tuhan?”

2 SAMUIL 21:3

Ginio ra pampiau Raja' Daut ra ulun ru Gibion am pangkuot risilo, “Atan kia maalap ku kabaal ramuyun? Masaga' aku mamuli' ra kasalaan ondo' binaal ramuyun, maa' raginio barakaton min ulun ru Tuhan.”

2 SAMUIL 24:1

Siminangit poyo Tuhan ra ulun ru Israil, am nanusub Io ra Raja' Daut koson mamparatong ra kapaganan ra ulun raginio. Indagu Tuhan ra Raja' Daut, “Paugaro' manguntob ra mamagun ru Israil am Jiuda.”

1 RAJA'-RAJA' 22:22

‘Ati kulaan?’ Taam ambiluo no, ‘Mangkinibit aku ra ngaangai' nabi ri Agab no magabau.’ Indagu Tuhan, ‘Ongoyo' noyo ruungo' io. Makasugut kou.’ ”

1 TUNUNG RU BANSA' ISRAIL 21:1

Masaga' Tingganai ru riwato mantipagon ra ulun ru Israil; ginio boo ra inambi' no Raja' Daut maa' raginio manguntob ra mamagun ru Israil.

MAZMUR 120:5

Aku ondo' nakaaya' ra kaayagan mino mokoowot ra kapaganan, nogondo' ra kaayagan giu' ra Misik, kapoam kaayagan ru ulun Kidar!

MAZMUR 20:4

Gama' ru apuon No nansalinut taak muno am masaga' ra nansalinut taak simbalui muno.

AMSAL 30:10

Pai' susunuro' sangulun ulipon no ra tuan nano. Ulason kau, am maimbolo' kau.

JISAYA 60:5

Makito mu baal raginio am bulos muno maamis ra ilain; maansukan kaga' guang muno am maayo guang. Rapu' ru bansa'-bansa' poropogon rirun, kinalangkayaan intor ra sandaup ru raat tumuluk rirun.

IMAMAT 26:31

Mapalunsai Aku ra bandar mino am niayuk intok pampakanan mino. Kalo mangapu Aku ra taak intor ramuyun.

UNTABAN 36:7

Tungkuson ru moonong ulun ru Israil magulayun masauk ra tungkuson ru bansa' nano.

UNTABAN 36:9

am tungkuson no kalo makabanding intor ra rondo' bansa' mongoi bansa' ra bokon. Moonong bansa' marayus manungkus ra tana' tungkuson no galama'.”

ROMA 14:15

Ginio ra amon ru mampakasinduol kou ra pabukat Kristian muno sabap ra atan ondo' akanon muno, ginio kalo boo inimpuun ra togom. Pai' noyo pompoloso ra atan ondo' akanon muno mangkinibit ra sasangulun lumugut, sabap ri Kristus minatoi noyo koson mamayag riso.

GALATIA 5:12

Malansan aku ra ulun ondo' mampajajou ramuyun no, polosoon ilo manunat ra inan nilo saboi intaliin ilo galama'.

SAGULION 13:3

pai' lioo' ragu nano. Namakai Tuhan i Aki Kapuuno' min riso koson mangkinam ramuyun, maa' raginio mapandayan ru Tuhan ra motogom kau Riso ra sotopot ru guang kapoam kalo.

2 TIMOTIUS 4:14

I Aliksandir ondo' manukang ra basi' no, masuang kalaatan nano raki'. Kaa' Tuhan mambalos riso maya' ra kalaatan ondo' binaal nano.

1 SAMUIL 18:10

Suabon no, soroi Raja' Saul giu' ra ralalom baloi am tatanga' nampaguut ra tutura'. Pulali' ru Raja' Saul no sinubol ru ambiluo malaat ondo' sinusub ri Aki Kapuuno', saboi giminabu' io koson ra ulun mantuyang. Paat raginio tatanga' i Daut mangkuli ra jitor koson ra kaindalaman.

1 SAMUIL 24:9

Kaa' sinunu' ri Daut no Raja' Saul giu' ra liwar ru luang batu am nampiau intor ra bakulung nano, “Raja' kuno!” Nangkaili Raja' Saul, am kuku' i Daut ra sumamba

1 SAMUIL 25:24

ra kalayam ri Daut. Kon ri Abigail, “Tuan, kasaga' noyo mangkirongog ra ragu kutu. Polosoon noyo kasalaan no saanin ku galama'!

1 SAMUIL 27:1

Nangkara' i Daut, “Atan pana kulaan niayuk, rondo' orou no Raja' Saul no mamatoi raki'. Moonsoi poyo magiru' aku giu' ra pagun ru ulun ru Palistin. Mopongo raginio Raja' Saul no kalo boo maguyum raki' giu' ra Israil, am aku pana mamimio.”