1 SAMUIL 26:16 - Tanou Moonsoi Timugon

¹⁶ Kaa' kalo pinaugar mu kandoi. Magibot aku ralalom inggalan ru Tuhan ondo' naayag, okou Abnir, ra akau ngaangai' no kalo maaya' maayag. Kalo inampin min tuan mino ondo' pinasauk ru Tuhan ra raja'. Ilai' noyo! Ati boo tutura' ru raja'? Ati boo nua' rarapu' ondo' pinabanta' ra sapapa' ru ulu nano?”

1 SAMUIL 26:16 ပူးပေါင်းရင်းမြစ်များ

2 SAMUIL 12:5

Pokorongog ra baal raginio, siminangit kaga' Raja' Daut ra binaal ru ulun langkaya' no, saboi mindagu Raja' Daut, “Magibot aku ralalom inggalan ru Tuhan ondo' maayag ra ulun langkaya' no musiti' ukumin ra matoi!

2 SAMUIL 19:28

Ngaangai' ru sasambaloi ru ama' kuli musiti' ukumin mu ra matoi, kaa' iniou mu aku mangakan giu' ra istana. Raino kalo baani aku makitaak ra atan-atan pana boo intor rirun.”

1 RAJA'-RAJA' 2:26

Kopongo raginio indagu Raja' Salomo ra Imam Abiatar, “Uli' no ra intok namagunan muli giu' ra Anatot. Sotopot no okou ti ukumin ra matoi, kaa' kalo mangukum aku raginio rirun raino, sabap ra paat okou lakat poyo nabaya' ra ama' kuno, nagalung kou ra Kaban Nabantuan ru Tuhan, am nakaaya' kou naimbolo' nabaya' ra ama' kuno.”

MAZMUR 102:20

Manginduku' Tuhan ra ragana' intor ra intok Nano ra matulai, pulolowon No tana' ti intor ra suruga',

MAZMUR 79:11

Rongogo' noyo pagalabaan ru ulun inaput, am ralalom ru kuasa' Muno ra maayo, palabuso' noyo ulun inukum ra potoyon.

IPISUS 2:3

Sotopot no ragili itakau pana nogondo' risilo. Siminugut takau ayuk ra kalaatan maya' ra pangkaraan ru guang am kinibit ru inan takau sigagama'. Nogondo' ra moonong ulun, itakau pana matiu' ra sangit ri Aki Kapuuno' no.

1 SAMUIL 20:31

Kalo kia nakapandai kou ra buoi ri Daut no maayag, kalo noyo masauk kou ra raja' ru pagun ragitio? Raino panusub no ra ulun maguyum riso am magibit riso ragiti, sabap ra musiti' io matoi!”

1 SAMUIL 24:6

Kaa' kalupus raginio, malimanan ri Daut ra makasala sabap ra binaal no ginio.

1 SAMUIL 26:11

Gama' ayuk ru manginggalar Tuhan no raki' mamatoi ra raja' ondo' pinili' Nano! Alapo' to tutura' am rarapu' nano ayuk, am ugar intor ragiti!”

1 SAMUIL 26:15

Taam i Daut, “Okou Abnir, sala' ka kia okou alia ulun ondo' kauligan kaga' giu' ra titikop ru Israil? Kua kalo inampin mu raja' muno? Bagu ayuk mokoondo' ulun minumpos ra pangkiman koson mamatoi ra tuan muno.

1 SAMUIL 26:9

Kaa' indagu i Daut, “Pai' mu jamari' io! Maaru' Tuhan no mangukum ra ulun ondo' lumaat ra raja' ondo' pinili' Nano.