1 SAMUIL 26:12 - Tanou Moonsoi Timugon

¹² Ginio ra inalap ri Daut tutura' am rarapu' ru Raja' Saul ondo' pinabanta' ra sapapa' ru ulu nano, am ugar ilo. Kolondo' sangulun pana nakakito ra baal raginio kapoam nakapandai ra atan ondo' nasauk no, kapoam nakarat, sabap ra Tuhan nangkinibit risilo ngaangai' no nakalunus toojo.

1 SAMUIL 26:12 ပူးပေါင်းရင်းမြစ်များ

KASAUKAN 15:12

Paat mato ru orou tumolop galing, nokororot pakalunus i Abram am pulali' ru guang nano makaliman ra malaa' kaga'.

KASAUKAN 2:21

Tuhan i Aki Kapuuno' napalunus boo ra ulun no. Liliwa' io makalunus toojo, ingkualo' ri Aki Kapuuno' rondo' intor ra bungul tiagang ru ulun no, am babaya' no tinauban saguli' ra kual.

ESTER 6:1

Paat rondom raginio niayuk raja' kalo mokororot. Ginio ra, kitaako' ru raja' maa' raginio tinulisan rasmi ru pamarintaan alapon am nanusub raja' ra ulun mambasa' raginio.

JISAYA 29:10

Tuhan nambaal ramuyun matikoolong maa' raginio makalunus kau ra akau mombolong. Ngaangai' nabi sotopot no masauk ra mato ru ulun kaa' i Aki Kapuuno' nongorom ra mato nilono.

1 SAMUIL 24:4

Nakasaboi Raja' Saul giu' ra rondo' intok mamaar ra kukula' kandang ru domba ra kiing ru ralan. Siminubol Raja' Saul no ra ralalom ru luang batu ra giu' no ra mampangara'. Nakainamot toojo ri Daut am ulun-ulun nano tatanga' nansibuni ra luang batu raginio niayuk, giu' ra ujok poyo.

1 SAMUIL 26:13

Kopongo raginio simindaup i Daut ra limayak no minongoi ra igig ra bokon am nagaloi ra tampak ru bulur, saboi sama' galur intor ra pangkiman ru Raja' Saul.

1 SAMUIL 26:7

Paat ra rondom raginio i Daut am i Abisai simininok umpos ra pangkiman ru Raja' Saul, am nakakito ra Raja' Saul tatanga' nombolong giu' ra tanga' ru pangkiman. Tutura' ru Raja' Saul no paritansok ra tana' mamaar ra ulu nano. I Abnir am pulalai nano nombolong giu' ra liput ru Raja' Saul.