1 SAMUIL 26:11 - Tanou Moonsoi Timugon

¹¹ Gama' ayuk ru manginggalar Tuhan no raki' mamatoi ra raja' ondo' pinili' Nano! Alapo' to tutura' am rarapu' nano ayuk, am ugar intor ragiti!”

1 SAMUIL 26:11 ပူးပေါင်းရင်းမြစ်များ

2 SAMUIL 1:14

Nangkuot i Daut riso, “Kua kia baani kou namatoi ra raja' ondo' pinili' ru Tuhan?”

2 SAMUIL 1:16

Kon ri Daut ra ulun ru Amalik no, “Gitio kasalaan muno galama'. Inukum matoi mu okou galama' sabap ra nangiou kou ra okou noyo ondo' namatoi ra raja' ondo' pinili' ru Tuhan.”

2 SAMUIL 19:22

Kaa' indagu Raja' Daut ri Abisai am maayo nano i Joab, “Pai' sombot. Kua pantipagon kau raki'? Paat ra orou raiti' nasauk aku ra raja' ru Israil poyo am kolondo' sangulun pana ukumin ra matoi.”

MAZMUR 17:4

Kalo mindagu aku ra malaat, koson ra ulun bokon; gagayaan ku panusuban Muno am kalo mampatoi aku.

ROMA 12:17

Pai' pambalos ra ulun ondo' lumaat ramuyun. Kinam kano pambaal ra moonsoi, ioginio ondo' iowon ra matanda' ru ngaangai' ulun.

ROMA 12:19

Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”

1 PITRUS 3:9

Pai' min noyo balasi' kalaatan ru ulun ra kalaatan niayuk, kapoam unjaka' ra unjaka' niayuk; kaa' sotopot no kitaaki' min ilo ra barakat. Sabap ra binarakat kano ri Aki Kapuuno' paat ra Io nampiau ramuyun.

1 SAMUIL 12:3

Raino ti, migor aku ra saang min. Amon ru nambaal aku noyo ra kasalaan, panguu' kano raki' ra saang ru Tuhan am raja' ondo' pinili' Nano. Igondo' aku kia nampagaau ra sapi' kapoam kaladai ru ulun ra bokon? Igondo' aku kia namparuung kapoam nangimbolo' ra ulun bokon? Igondo' aku kia nangapu ra rasua intor ra ulun? Raguo' ayuk, maa' raginio atan ayuk ondo' inalap kuli pasagulion ku.”

1 SAMUIL 24:12

Ilai' noyo ama'! Ilai' noyo putul ru sukub mutu ondo' ginuut kutu! Sotopot no mapatoi tokou, kaa' pinutul ku ayuk koborok kiing ru sukub muno. Baal ragitio napainono' ra aku ti kalo nampaguang ra malaat kapoam manggal. Nangingilou kou raki' koson mamatoi raki', kabalu' pana kolondo' sala kuno ra sanganu pana rirun.

1 SAMUIL 24:4

Nakasaboi Raja' Saul giu' ra rondo' intok mamaar ra kukula' kandang ru domba ra kiing ru ralan. Siminubol Raja' Saul no ra ralalom ru luang batu ra giu' no ra mampangara'. Nakainamot toojo ri Daut am ulun-ulun nano tatanga' nansibuni ra luang batu raginio niayuk, giu' ra ujok poyo.

1 SAMUIL 24:6

Kaa' kalupus raginio, malimanan ri Daut ra makasala sabap ra binaal no ginio.