1 SAMUIL 26:10 - Tanou Moonsoi Timugon

¹⁰ Ralalom inggalan ru Tuhan ondo' naayag, aku nakapandai ra Tuhan galama' ondo' mamatoi ra Raja' Saul, iou lair ru matoi ra kaindalaman paat ra pupus ru bayag nano nasaboi noyo, kapoam kinibit ru pangayawan.

1 SAMUIL 26:10 ပူးပေါင်းရင်းမြစ်များ

KASAUKAN 47:29

Paat ra mamaar noyo io matoi, piawo' no anak nano i Jusup am indagu riso, “Poompoyo' kalindu' muno ra lolot ru karuruo puun ru paa kutu, am pagibot noyo ra kalo mompolobong kou raki' ra pagun ru Misir ti.

AYUP 14:14

Amon ru matoi ulun, maayag ilo poyo kia? Kaa' marayus aku maginaa, saboi ra paat ru kapaganan kuno makasail.

AYUP 14:5

Inaru' Mu noyo umur ru ulun; inaru' Mu noyo suang ru sila' nano. Inaru' Mu noyo polos ru bayag nilo; kalo lair matundangan nilo ginio.

AYUP 7:1

Kaayagan ru ulun no koson ra kandoi pajajalin; kaayagan nano mapagon koson ra kaayagan ru kuli',

MAZMUR 37:10

Ulun malaat mapuso ra mataki'; kabalu' pana uyumon, kalo boo majampa' ilo.

MAZMUR 37:13

Kaa' Tuhan makakurit ra ulun malaat, sabap ra napandayan No ra pupus nilono mamaar noyo.

MAZMUR 94:23

Ukumin No ulun malaat sabap ra kinalaat nilono, am mamuso risilo sabap ra tula nilono; Tuhan, i Aki Kapuuno' takau no ondo' mamuso risilo.

MAMPATANOU 3:2

Io no nangaru' ra paat koson maganak am paat ra patayan, paat ra mantanom am paat ra bubulon,

LUKAS 18:7

Amon ru kon poyo raginio, mulu' poyo i Aki Kapuuno' manalasai ra kapaganan ru ulun mangintopot riso sabap ra makiasi' ilo Riso orou-rondom. Mangindangan Io kia ra mataki'?

ROMA 12:19

Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”

SAGULION 31:14

Tuhan pana mindagu ri Musa, “Bayag muno kalo boo mabuoi. Piawo' noyo i Josua am ibito' io ra Kim Kuno, maa' raginio makapanaak Aku ra panuluan riso.” Umpos i Musa am i Josua ra ralalom Kim ru Tuhan,

SAGULION 32:35

Mansuli' Tuhan am mangukum risilo; masaboi paat no ra ilo maratu' am mapuso, orou katutukan nilo mataki' makasaboi.

IBRANI 10:30

Sabap ra napandayan takau noyo osoi minindagu, “Aku no mambalos risilo am mangukum risilo.” Mindagu Io niayuk, “Mangakim Tuhan no ra ulun Nano.”

IBRANI 9:27

Inaru' noyo ri Aki Kapuuno' ra igondo' ayuk ulun matoi am mopongo raginio akimin No.

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”

1 SAMUIL 24:12

Ilai' noyo ama'! Ilai' noyo putul ru sukub mutu ondo' ginuut kutu! Sotopot no mapatoi tokou, kaa' pinutul ku ayuk koborok kiing ru sukub muno. Baal ragitio napainono' ra aku ti kalo nampaguang ra malaat kapoam manggal. Nangingilou kou raki' koson mamatoi raki', kabalu' pana kolondo' sala kuno ra sanganu pana rirun.

1 SAMUIL 24:15

Imansaa' aku ti ondo' masaga' potoyon ru raja' ru Israil! Ilai' noyo aku ti ondo' ilolowon mutu! Aku ti sanginan uku' minatoi ayuk, rondo' kutu ayuk!

1 SAMUIL 25:26

Tuhan nanginggalar noyo rirun ra mansuli' am mamatoi ra pantula' muno. Raino magibot aku ralalom inggalan ru Tuhan ondo' naayag ra pantula' muno am ngaangai' ru ulun ondo' masaga' lumaat rirun ukumin koson ri Nabal.

1 SAMUIL 25:38

Olo'-olo' mopor ngoorou buoi no, binutus ru Tuhan painawo ri Nabal.

1 SAMUIL 25:39

Pokorongog i Daut ra minatoi noyo i Nabal, indagu io, “Koompor noyo Tuhan! Binalasan No noyo i Nabal sabap ra pagasaban nali raki'. Nanginggalar noyo Tuhan no raki', ulipon Nati intor ra mambaal ra kalaatan. Tuhan galama' nangukum noyo ri Nabal sabap ra kalaatan nano.” Kopongo raginio nangator i Daut ra ulun mongoi ri Abigail koson manambili' riso masauk ra andu' nano.

1 SAMUIL 31:4

Kon ru Raja' Saul ra ulun nagibit ra kinandoi nano, “Butuso' ilang muno am potoyo' aku no, maa' raginio pai' ru ulun ru Palistin ondo' kalo nakaulig ri Aki Kapuuno' ti mangkukuli raki', am mamatoi raki'.” Kaa' ulun magibit ra kinandoi no kalo makakau' mambaal raginio. Ginio ra butuso' ru Raja' Saul ilang nano am tobok io galama'.

1 SAMUIL 31:6

Kon raginio noyo Raja' Saul am talu ngaulun anak ungkuyon nano minatoi, am niayuk ulun magibit ra kinandoi no, am ngaangai' ulun ru Raja' Saul minatoi ra orou raginio.