1 SAMUIL 25:6 - Tanou Moonsoi Timugon

⁶ Nanusub i Daut no risilo mindagu koson ragitio, “Nangator i Daut ra ragu kaansayan nano rirun am sasambaloi muno am niayuk ra ngaangai' longgom muno.

1 SAMUIL 25:6 ပူးပေါင်းရင်းမြစ်များ

KASAUKAN 43:23

Taam ulipon no, “Pai' pagalabo. Pai' kalaa'. I Aki Kapuuno' mino, iono i Aki Kapuuno' ru ama' mino ondo' napauli ra ruit i ra karung mino. Naapu ku noyo logo ru gandum mini.” Ibito' no boo i Simion risilo.

2 SAMUIL 18:28

Golok i Agimaas koson manabi' ra raja', am igulatur am indagu, “Koompor noyo Tuhan, i Aki Kapuuno' muno. Nangani' io noyo rirun ra kamanangan ra ulun ondo' giminuor rirun!”

1 TUNUNG RU BANSA' ISRAIL 12:18

Sangulun intor risilo, iono i Amasai, ondo' tauli no nasauk ra tingganai ru pulalai ondo' sabiton ra “Pulalai Talu Ngoopor”, kinuasa' ru Ambiluo ri Aki Kapuuno'. I Amisai pana mindagu, “Daut anak ri Isai, akai ti maamaya' muno! Gama' ru okou am ilo ondo' mangindangan rirun makasugut! I Aki Kapuuno' manaung rirun!” Inuma' ilo ri Daut am linantik ilo nasauk ra pagawai ru saujor nano.

MAZMUR 122:7

Gama' kaansayan malimanan ra intok muno, am kaansukan ra ngaangai' istana Muno.”

MAZMUR 122:8

Koson kaansayan ru rangan am pabukat kuno, mindagu aku ra Jirusalim, “Gama' ru moonsoi kou!”

LUKAS 10:5

Ati ayuk pana baloi umpasan min, indagu kau ra, ‘Kaansayan sumoroi ra baloi ragitio.’

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

1 TISALONIKA 3:8

suku' ra maayag akai toojo raino, ondo' amon ru rumondon kau toojo ra Tuhan.

2 TISALONIKA 3:16

Gama' ru Tuhan noyo galama', ondo' puun ru pabansayan, masalok manaak ramuyun ra pabansayan Nano ralalom ru ngaangai' baal. Gama' ru Tuhan mabaya' ramuyun ngai'.

1 TIMOTIUS 5:6

Kaa' napuor ondo' maringkumaa' ayuk ra kalangkayaan, io ti karaan koson ra pangintapatan nano minatoi noyo, kabalu' pana naayag io.

1 SAMUIL 25:5

Kopongo raginio nanusub i Daut ra mopor ngaulun buayoi minongoi ra Karmil. Nanusub io risilo tumuum ri Nabal am mampasaboi ra ragu kaansayan ri Daut no riso.