1 SAMUIL 25:39 - Tanou Moonsoi Timugon

³⁹ Pokorongog i Daut ra minatoi noyo i Nabal, indagu io, “Koompor noyo Tuhan! Binalasan No noyo i Nabal sabap ra pagasaban nali raki'. Nanginggalar noyo Tuhan no raki', ulipon Nati intor ra mambaal ra kalaatan. Tuhan galama' nangukum noyo ri Nabal sabap ra kalaatan nano.” Kopongo raginio nangator i Daut ra ulun mongoi ri Abigail koson manambili' riso masauk ra andu' nano.

1 SAMUIL 25:39 ပူးပေါင်းရင်းမြစ်များ

2 SAMUIL 1:16

Kon ri Daut ra ulun ru Amalik no, “Gitio kasalaan muno galama'. Inukum matoi mu okou galama' sabap ra nangiou kou ra okou noyo ondo' namatoi ra raja' ondo' pinili' ru Tuhan.”

1 RAJA'-RAJA' 2:44

Nakapandai kou ra ngaangai' kasalaan muno ra Raja' Daut, ama' kuno. Raino mangukum Tuhan no rirun sabap ra binaal muno.

ESTER 7:10

Koon raginio noyo i Gaman tinair ra lugu' pampatairan ondo' binaal nano ra tayar ri Mordikai. Kopongo raginio bagu no sangit ru raja' no siminalui.

ESTER 9:25

Kaa' minuma' i Ester ra raja', am nangingkual raja' ra susuban tinulisan, saboi inantungan i Gaman ra kinibit ru inatang malaat nano ra ulun ru Jaudi. Io am anak-anak ungkuyon nano tinair ra lugu' pampatairan.

MAZMUR 7:16

Napataan ilo ra jajaling ra ulun bokon, kaa' ilo galama' sumulung.

MAZMUR 9:5

Okou namarinta koson ra akim ondo' matimpok, am Okou no manungka' ra binaal kuno.

AMSAL 18:22

Ulun ondo' makaandu', makaalap ra ondo' moonsoi. Baal koson ragitio arati' no kasagain io ru Tuhan.

AMSAL 19:14

Baloi am rapu' matungkus intor ra matuo, kaa' andu' ondo' mapintar ioginio taak intor ra Tuhan.

AMSAL 22:23

Saungon ilo ru Tuhan, am butuson painawo ru ulun mangimpai risilo.

AMSAL 31:10

Andu' ondo' matanda' mapagon matuum. Mologo io poyo ka intan.

AMSAL 31:30

Kinantalur ti mamparuung ra mato, am kalo mantilayun; kaa' sangulun ruandu' mangurumat ra Tuhan musiti' io omporon.

RIMBAI PANGAMPARAN 8:8

Mokoondo' sangulun boborok mai ra ruandu', ondo' lakat poyo boborok titi' nano. Atan kia musiti' mai baalon amon ru buayoi matong mongoi panamung riso?

MIKA 7:9

Natulaan takau ra Tuhan. Ginio ra musiti' mansaan ra sangit Nano ra kalo mantilayun. Kaa' pupus nano sumaung Io ritakau am mangani' ritakau ra katimpakan. Magibit Io ritakau mingkual mongoi ra sinda, am makaliman takau ra pamayagan ru Tuhan.

2 KORINTUS 13:7

Makiasi' akai ri Aki Kapuuno' koson indanganon kau kalo mambaal ra sala. Ondo' maatang am mambaal kau ra kasagaan ri Aki Kapuuno' am makapambaal kau ra motopot. Kalo pana amon ru akai ilain ayuk ra kalo matanda' mangandoi.

1 TISALONIKA 5:23

Gama' ru i Aki Kapuuno' ondo' mangani' ritakau ra pabansayan, mampatimpok ra kaayagan mino Riso galama'. Gama' ru magalung Io ramuyun ngai' – ioginio ambiluo, saliguor am poyo inan mino – saboi kolondo' sala min paat ra ratangan ru Tuhan takau, i Jisus Kristus.

2 TIMOTIUS 4:18

Mampainggalur niayuk Tuhan raki' ra moonong kalaatan am magibit Io raki' ra pamarintaan Nano ra suruga' mabaya' ra kaansukan. Katulayon Io ayuk suku' ra sabuoi-buoi no! Amin.

TINGGANAI RU BANSA' 5:2

Omporo' noyo Tuhan! Ulun tutumula' ru Israil nakatampos toojo koson mangayou; masaga' mamagun mangayou.

1 SAMUIL 24:15

Imansaa' aku ti ondo' masaga' potoyon ru raja' ru Israil! Ilai' noyo aku ti ondo' ilolowon mutu! Aku ti sanginan uku' minatoi ayuk, rondo' kutu ayuk!

1 SAMUIL 25:26

Tuhan nanginggalar noyo rirun ra mansuli' am mamatoi ra pantula' muno. Raino magibot aku ralalom inggalan ru Tuhan ondo' naayag ra pantula' muno am ngaangai' ru ulun ondo' masaga' lumaat rirun ukumin koson ri Nabal.

1 SAMUIL 25:32

I Daut pana mindagu boo riso, “Koompor noyo Tuhan, i Aki Kapuuno' ru ulun ru Israil, ondo' nanusub noyo rirun mongoi raki' ra orou raiti'!

1 SAMUIL 25:34

Nanginga' noyo Tuhan no raki' lumaat rirun. Ralalom inggalan ru Tuhan, i Aki Kapuuno' ru Israil ondo' naayag, amon ru kalo nataki' kou nakatuum raki', maaru' ra ngaangai' ulun ri Nabal no minatoi paat ra sumirang mato ru orou!”

1 SAMUIL 25:40

Ulun-ulun sinusub ri Daut timinuum ra ruandu' no giu' ra Karmil, am indagu riso, “Sinusub akai ri Daut tumuum rirun, sabap ra makaguang io manangandu' rirun.”

1 SAMUIL 26:10

Ralalom inggalan ru Tuhan ondo' naayag, aku nakapandai ra Tuhan galama' ondo' mamatoi ra Raja' Saul, iou lair ru matoi ra kaindalaman paat ra pupus ru bayag nano nasaboi noyo, kapoam kinibit ru pangayawan.