1 SAMUIL 25:38 - Tanou Moonsoi Timugon

³⁸ Olo'-olo' mopor ngoorou buoi no, binutus ru Tuhan painawo ri Nabal.

1 SAMUIL 25:38 ပူးပေါင်းရင်းမြစ်များ

2 SAMUIL 6:7

Paat raginio niayuk siminangit Tuhan i Aki Kapuuno' ri Uja am pamatoi riso, sabap ra binaal nano rondo' pagasaban ra Tuhan. Minatoi i Uja ra sapapa' ru Kaban Nabantuan.

2 RAJA'-RAJA' 15:5

Nangkinibit Tuhan ra Raja' Ujia makamaruol ra kungkung ondo' maaja' ra buoi ru bayag nano. Minayan io sangulun giu' ra baloi ondo' pinatuliar am pinalabus intor ra ngaangai' kandoi nano. I Jotam, anak ungkuyon nano namarinta ra mamagun koson suali nano.

2 RAJA'-RAJA' 19:35

Paat rondom raginio rondo' malaikat ru Tuhan minongoi ra pangkiman ru ulun ru Asyur am namatoi ra 185,000 ngaulun saujor. Katawang ra iosusuab, ngaangai' ilo minatoi noyo!

2 TUNUNG RU BANSA' ISRAIL 10:15

Tuhan i Aki Kapuuno' masaga' manugut ra ragu Nano ondo' pinasaboi ri Jirobiam anak ri Nibat ondo' pinabala' galing ra Nabi Agia intor ra Silo. Ginio noyo sabap ra raja' kalo nampalio ra kinitaak ru mamagun.

2 TUNUNG RU BANSA' ISRAIL 13:20

Raja' Jirobiam kalo nakapanapuli' ra kuasa' nano buoi ra pamarintaan ru Raja' Abia. Pupus no Raja' Jirobiam pinatoi ru Tuhan, am io pana minatoi.

MAZMUR 104:29

Bulintok ra okou manululit, ilo ondo' maayag ra binangun Muno malaa'; amon sagulion Mu paminawo Muno, ngaangai' no mapuso, am sumaguli' ra tana', masauk saguli' ra kaau.

MAZMUR 73:19

Sangkuliop ilo pinuso pupus nilono makalalaa' toojo.

KAINGKUALAN 12:29

Paat ra tanga' rondom raginio pinatoi ru Tuhan ngaangai' anak ungkuyon katuaan giu' ra Misir, inintaran ra anak ungkuyon ru raja' ondo' manungkus ra kurisi' pamarintaan polos ra anak ungkuyon katuaan ru ulun inaput ralalom pangaputan ragana' ru tana'. Ngaangai' anak ungkuyon katuaan ru bibiag pana pinatoi.

RINALATAN 12:23

Paat ragili niayuk malaikat ru Tuhan nampalamba' ri Irodis, sabap ra kalo nangurumat io ri Aki Kapuuno'. Ginio ra inan nati inuloron am patoi io boo.

1 SAMUIL 25:33

Maringkuanang aku sabap ra kapintaran muno. Binaal muno ra orou raiti' nanginggalar raki' ra mamatoi koson mansuli'.

1 SAMUIL 25:37

Suabon no ra iosusuab, paat ra natabinaasan i Nabal, nantunung i Abigail ra ngaangai' no ri Nabal. Namulali' i Nabal no narualan ra pusu' saboi ngaangai' ru inan nano minatoi.

1 SAMUIL 26:10

Ralalom inggalan ru Tuhan ondo' naayag, aku nakapandai ra Tuhan galama' ondo' mamatoi ra Raja' Saul, iou lair ru matoi ra kaindalaman paat ra pupus ru bayag nano nasaboi noyo, kapoam kinibit ru pangayawan.

1 SAMUIL 6:9

Ilain min ati angayan ru sapi' no; amon ru Kaban Nabantuan no ibiton mongoi ra pagun toojo nano, giu' ra bandar Bit-Simis, baal ragitio makaarati' ra i Aki Kapuuno' ru ulun ru Israil naparatong noyo ra karaat makalalaa' kaga' ritakau. Kaa' amon ru padati no kalo mongoi ra giu' no, makapandai takau ra baal makalalaa' raginio sala' ka intor ri Aki Kapuuno' ru Israil, kaa' nakainamot ayuk.”