1 SAMUIL 25:33 - Tanou Moonsoi Timugon

³³ Maringkuanang aku sabap ra kapintaran muno. Binaal muno ra orou raiti' nanginggalar raki' ra mamatoi koson mansuli'.

1 SAMUIL 25:33 ပူးပေါင်းရင်းမြစ်များ

MAZMUR 141:5

Masaga' aku mangapu ra ukuman am sawai intor ra ulun moonsoi, kaa' kalo masaga' aku mangapu ra pangamparan intor ra ulun malaat sabap ra magail aku makiasi' manggal ra kalaatan nilono.

KAINGKUALAN 22:2

Musiti' ulun no mangalig ra atan pana ondo' tokowon nano. Amon ru kolondo' io ra atan pana, musiti' io talanon koson ra ulipon pambayar ra atan ondo' tinakou nano. Amon ru ondo' tinakou nano sapi', kaladai kapoam domba, am nakito ra lakat poyo maayag soroi ra ulun no, musiti' aligin no moonong sanginan bibiag ra ruo ngainan bibiag. “Amon ru marakop sangulun mantatakou paat ra mangaloi ra baloi tampilon ra rondom, am matoi io, kolondo' sala ru ulun namatoi no. Kaa' amon ru masauk gitio ra tampilon matawang, makasala ulun namatoi ra mantatakou no.

AMSAL 13:14

Pangilaan ru ulun mapintar koson ra uur ru kaayagan; bulintok ilaanon, pangilaan raginio mamayag ra painawo.

AMSAL 17:10

Rondo' pansawayan maayo toojo arati' nano ra ulun mapintar, ka saratus ruli' lapos ra ulun sasambungon.

AMSAL 25:12

Sawai ru ulun mapintar no ra ulun masaga' mangkirongog iono mokologo poyo ka sinsing mas kapoam kuliamos ru limpor.

AMSAL 27:21

Mas am pirok kinamin ra apui; ulun urioon maya' ra paliso nano ra omporon.

AMSAL 28:23

Ulun mansawai pupus nano urumaton poyo ka ulun mongompor.

AMSAL 9:9

Amon ru mambilin kau ra ulun mapintar, ulun no rumuang pintar nano. Atan ayuk pana pangilaan min ra ulun ondo' gumagaya' ri Aki Kapuuno' katutunan nano rumuang.

1 SAMUIL 24:19

Orou raiti' napainono' kou noyo ra moonsoi kou raki'. Kalo pinatoi mu aku kabalu' pana Tuhan no napataak noyo raki' rirun.

1 SAMUIL 25:26

Tuhan nanginggalar noyo rirun ra mansuli' am mamatoi ra pantula' muno. Raino magibot aku ralalom inggalan ru Tuhan ondo' naayag ra pantula' muno am ngaangai' ru ulun ondo' masaga' lumaat rirun ukumin koson ri Nabal.

1 SAMUIL 25:31

Paat raginio makara' mu ra kalo namatoi kou ra kolondo' sasaban kapoam mansuli'. Ginio ra okou kalo pana mangiluk guang kapoam pansagulian guang. Paat ra Tuhan no mambarakat rirun ra tauli no, pai' liliani' ulipon muti.”