1 SAMUIL 25:29 - Tanou Moonsoi Timugon

²⁹ Amon ru mokoondo' sasangulun ondo' mamulunsar rirun am kuminam mamatoi rirun, maaru' Tuhan i Aki Kapuuno' no mangampin rirun koson ra sangulun magalung ra rapu' nano ondo' mologo kaga'. Kaa' pantula' muno papatiron ru Tuhan ra maalur, koson ra batu ondo' pinobobol ra lasitik.

1 SAMUIL 25:29 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

2 SAMUIL 4:8

Kopongo raginio pinataak nilo ulu no ra Raja' Daut giu' ra Gibron. Konilo, “Gitio noyo ulu ru Raja' Isbosit anak ungkuyon ri Raja' Saul, pantula' muno ondo' mangkinam mamatoi rirun. Paat ra orou raiti' nambalos noyo Tuhan ra binaal ri Raja' Saul am papag nano ra bala muno.”

AYUP 27:22

Kalo makaulig ra makaasi', linumpa' ilo ru angin, am nagiru' ilo kalalaat naguyum ra sindungan.

MAZMUR 116:15

Mangiluk kaga' guang ru Tuhan bulintok ra ulun ondo' gumagaya' Riso no matoi.

MAZMUR 54:3

Bayago' aku no ra kuasa' Muno, iou Aki Kapuuno'; ra kaikangan Muno palabuso' aku no.

MAZMUR 66:9

Inalungan No akai maa' raginio kalo imboloon akai, am kalo polosoon No akai kalaan.

JIRIMIA 10:18

Patirin kau ru Tuhan intor ra pagun ti; umokon No akau saboi sangulun pana kolondo' matatang. Gini noyo ragu ru Tuhan.

MALIAKI 3:17

Mindagu Tuhan Ondo' Maayo Kaga' Kuasa', “Masauk ilo ra ulun Kuno. Paat ra orou Aku mimbuor ra tauli no, masauk ilo ra longgom Kuno ondo' tagamin toojo. Makaasi' Aku risilo koson ra sangulun ama' ondo' makaasi' ra anak ondo' mangandoi ayuk riso.

JUANIS 14:19

Sangkinolor poyo am ulun ru tana' ti kalo boo makakito Raki', kaa' makakito kau Raki'; am sabap ra Aku ti maayag, akau pana maayag.

JUANIS 17:21

Ama', makiasi' Aku gama' ru ilo ngaangai' rondo' guang. Koson Okou masimpung Raki', am Aku masimpung Rirun. Gama' ru masimpung ilo Rito, maa' raginio mangintopot boo ulun ru tana' ti ra Okou noyo nanusub Raki'.

JUANIS 17:23

Aku masimpung risilo am Okou masimpung Raki'; maa' raginio totopot ilo rondo' guang. Makatutun boo ulun ru tana' ti ra Okou no nanusub Raki' am motogom Kou risilo nogondo' ra Okou motogom Raki'.

SAGULION 33:29

Akau Israil, maansukan kau kaga'! Kolondo' osoi pana koson ramuyun, bansa' ondo' binayag ru Tuhan. Tuhan galama' noyo ondo' nasauk ra perisai am ilang min, koson manaung ramuyun am manaak ramuyun ra kamanangan. Matong pantula' min makimasi', am kikinjangin min ilo.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.