1 SAMUIL 25:26 - Tanou Moonsoi Timugon

²⁶ Tuhan nanginggalar noyo rirun ra mansuli' am mamatoi ra pantula' muno. Raino magibot aku ralalom inggalan ru Tuhan ondo' naayag ra pantula' muno am ngaangai' ru ulun ondo' masaga' lumaat rirun ukumin koson ri Nabal.

1 SAMUIL 25:26 ပူးပေါင်းရင်းမြစ်များ

KASAUKAN 20:6

Taam i Aki Kapuuno' ralalom inupi no, “Iou, nakapandai Aku ra binaal mu ginio sumugut ra kapasawan ru guang muno. Ginio nai ra Aku mapainggalur rirun mambaal ra tula Raki' am kalo polosoon Tokou marulug ra ruandu' no.

2 SAMUIL 18:32

Pangkuot raja' no riso, “Naayag kia i Absalom, ulun mamulok no?” Kopongo raginio taam ulipon no, “Polosoon ngaangai' pantula' muno, ngaangai' ulun giminuor rirun makaili' ra nasip ondo' nogondo' koson ra ungkuyon mamulok no.”

2 RAJA'-RAJA' 2:2

Giu' ra tanga' ralan indagu i Ilia ri Ilisa, “Soroi ayuk ragiti; Tuhan nanusub noyo raki' mongoi ra Bitil.” Kaa' taam i Ilisa, “Magibot aku sabap ra gagaya' kuno ra Tuhan ondo' maayag am okou ra kalo iruanin tokou.” Ginio ra ilo ruo minongoi ra Bitil.

2 RAJA'-RAJA' 4:6

Paat ra ilo namanu' ra ngaangai' rarapu' no, pangkuot io, “Mokoondo' poyo kia?” Taam sangulun intor ra anak nano, “Kolondo' boo.” Paat raginio niayuk umau no liminonggo' tumilis.

MAZMUR 44:3

Okou galama' nanginggalar ra ngaangai' bansa' maa' raginio ulun Muno mayan ra pagun nilo galama', inurana' Mu ngaangai' bansa' ra bokon, kaa' napasauk ra ulun Muno ra langkaya'.

AMSAL 31:12

Buoi ru painawo nano, moonsoi io ayuk ra ralaki nano am kalo mambaal io ra atan-atan malaat riso.

JIRIMIA 29:22

Paat ra ulun ondo' inibit intor ra Jirusalim pinoongoi ra Babilonia, masaga' magulas ra sasangulun, mindagu ilo, ‘Gama' ru pamakuan ru Tuhan rirun koson ri Jidikia am i Agab, ondo' sinolob ra naayag poyo ru raja' ru Babilonia.’

DANIL 4:19

I Danil, ondo' niayuk ininggalanan ri Biltsajar, nakatigog kaga' koson sangkinolor saboi kalo nakaindagu. Kaa' indagu raja', “Okou Biltsajar, pai' pagalabo sabap ra inupi no am arati' no.” Taam i Biltsajar, “Okou raja' kuno, sotopot no malansan aku ra inupi no am niayuk arati' no intor ra pantula' muno, am sala' ka intor rirun.

IBRANI 10:30

Sabap ra napandayan takau noyo osoi minindagu, “Aku no mambalos risilo am mangukum risilo.” Mindagu Io niayuk, “Mangakim Tuhan no ra ulun Nano.”

1 SAMUIL 1:26

Indagu i Ana ri Ili, “Tuan, lakat mu poyo kia makara' aku? Aku noyo ruandu' ondo' nakito muli minigor ragiti ragili, ondo' nakiasi' ra Tuhan.

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.

1 SAMUIL 20:16

gama' ru nabantuan tano ruo mantilayun. Amon ru masulang nabantuan no, mangukum Tuhan no rirun.”

1 SAMUIL 20:3

Taam i Daut, “Nakapandai ama' muno ra motogom kou kaga' raki'. Ginio ra kalo nambala' ama' muno rirun ra atan ondo' inatang nano, maa' raginio kalo mangiluk guang muno. Magibot aku ralalom inggalan ru Tuhan ondo' naayag ra sotopot no kaayagan kutu matikapulir ra kapatayan!”

1 SAMUIL 22:3

Intor ra luang batu no minongoi i Daut ra Mijpa giu' ra pagun Moab. Indagu io ra raja' Moab no, “Paayano' noyo matuo kuno rirun saboi ra aku makapandai ra kasagaan ri Aki Kapuuno' no raki'.”

1 SAMUIL 25:25

Pai' noyo lioo' i Nabal no, ulun ondo' kolondo' onong no. Sala ka kia inggalan nano galama' arati' no sasambungon? Kalio aku ra giu' i paat ra ulun-ulun sinusub muno nakasaboi.

1 SAMUIL 25:39

Pokorongog i Daut ra minatoi noyo i Nabal, indagu io, “Koompor noyo Tuhan! Binalasan No noyo i Nabal sabap ra pagasaban nali raki'. Nanginggalar noyo Tuhan no raki', ulipon Nati intor ra mambaal ra kalaatan. Tuhan galama' nangukum noyo ri Nabal sabap ra kalaatan nano.” Kopongo raginio nangator i Daut ra ulun mongoi ri Abigail koson manambili' riso masauk ra andu' nano.

1 SAMUIL 26:10

Ralalom inggalan ru Tuhan ondo' naayag, aku nakapandai ra Tuhan galama' ondo' mamatoi ra Raja' Saul, iou lair ru matoi ra kaindalaman paat ra pupus ru bayag nano nasaboi noyo, kapoam kinibit ru pangayawan.