1 SAMUIL 25:21 - Tanou Moonsoi Timugon

²¹ Paat raginio tatanga' i Daut nangkara', “Banangan ku nanindung ra longgom ru ulun no giu' ra tana' kaagisan! Kolondo' rondo' pana ra longgom nano tinakou ru ulun, am raino nambalos io ra kinoonsoi kuno ra kalaatan.

1 SAMUIL 25:21 ပူးပေါင်းရင်းမြစ်များ

KASAUKAN 44:4

Pakaugar ilo ra kukula' galur intor ra bandar no, indagu i Jusup ra ulipon magalung ra baloi nano, “Ilowo' ulun ra raitii' ni. Masunu' mu ilo, kuati' ilo, ‘Kua balasi' min kaansayan ra kalaatan?

AYUP 30:8

Ilo santimungan ulun ondo' totopot kolondo' onong! Pinagiru' ilo intor ra pagun ti.

MAZMUR 35:12

Baal-baal ra moonsoi balasin nilo ra kalaatan, am malawo guang kuno.

MAZMUR 37:8

Pai' sangit kapoam malasu' guang; baal raginio mangkinibit ayuk mulas ra inan galama'.

MAZMUR 38:20

Ngaangai' pantula' mangaligag am mangaikang; masuang ulun masisang raki' ra kolondo' sasaban.

AMSAL 17:13

Ulun ondo' mambalos ra kaansayan no ra kalaatan, kalo makapagiru' kalaatan ru baloi nano.

JIRIMIA 18:20

Motopot kia ra moonsoi balasin ra malaat? Kaa' nangkali ilo ra luang maa' raginio maratu' aku ra ralalom no. Karaa' noyo ra sinaung ku ilo ra saang Muno, maa' raginio kalo sangitin Mu ilo.

ROMA 12:21

Pai' polosoo' kalaatan ru ulun no mangkinibit ramuyun mambalos saguli', kaa' balasi' min kalaatan no ra moonsoi.

IPISUS 4:26

Amon ru sumangit kau, pai' polosoo' sangit mino mangkinibit ramuyun makatula. Pai' bulii' sangit minti suku' ra talapan ru orou.

IPISUS 4:31

Langgai' noyo paliso ra mangusolon, guang ra malaat am masasangit. Pai' kau pakimansangor kapoam magasab ra ulun. Inggalur kano ra guang ra masisang.

1 TISALONIKA 5:15

Ilalai' min noyo ra kolondo' sangulun kon pana mambalos ra kalaatan risilo ondo' mambaal ra kalaatan riso. Kaa' pirot kano pambaal ra moonsoi ra rondo' am bokon am poyo ra ngaangai' ulun.

1 PITRUS 3:17

Sabap ra moonsoi poyo maimbolo' sabap ra mambaal ra moonsoi – amon ru ginio noyo kasagaan ri Aki Kapuuno' – intor ra maimbolo' sabap ra mambaal ra malaat.

1 PITRUS 3:9

Pai' min noyo balasi' kalaatan ru ulun ra kalaatan niayuk, kapoam unjaka' ra unjaka' niayuk; kaa' sotopot no kitaaki' min ilo ra barakat. Sabap ra binarakat kano ri Aki Kapuuno' paat ra Io nampiau ramuyun.

1 SAMUIL 25:13

Nanusub i Daut, “Abilo' ilang mino ra awak min sigagama'!” Nataki' ulun-ulun ri Daut giminagaya' ra susuban nano. Inabil niayuk ri Daut ilang nano ra awak nano am minugar nabaya' ra olo'-olo' apat ngaatus ngaulun, am ruo ngaatus ngaulun ra bokon timinatang koson magalung ra kuliamos-kuliamos.

1 SAMUIL 25:15

ali ka moonsoi ilo kaga' ramon am kalo igondo' panaliajou ramon. Paat ra akai nababaya' risilo giu' ra tana' kaagisan, kolondo' rondo' pana ra longgom maino tinakou.

1 SAMUIL 25:20

Kopongo raginio nangura' i Abigail ra kaladai nano. Pakasaboi io ra lilikowon giu' ra igig ru gunung, nakapaguma' io ri Daut am ulun-ulun nano ondo' tatanga' mambusul sumuku' riso.

1 SAMUIL 25:7

Norongog ri Daut ra tatanga' kou mopolompor ra bulu ru domba muno. Kaala' no ra magagalung-magagalung muno ondo' soroi ra intok maino kalo igondo' mai taliojowo', am kalo igondo' ilo natatakan ra atan pana buoi soroi giu' ra Karmil.