1 SAMUIL 25:2 - Tanou Moonsoi Timugon

^2-3 Giu' ra bandar Maon mokoondo' sangulun ungkuyon makainggalan ri Nabal, intor ra bansa' Kalib. Io ti mokoondo' ra tana' mamaar ra bandar Karmil. Io ti langkaya' kaga' am mokoondo' ra talu ngaribu ngainan domba am saribu ngainan kambing. I Abigail andu' nano, maligag am mantalur, kaa' i Nabal ti makuliga' am makapaliso ra malaat. Rondo paat raginio tatanga' i Nabal mopolompor ra bulu ru domba nano giu' ra Karmil.

1 SAMUIL 25:2 ပူးပေါင်းရင်းမြစ်များ

KASAUKAN 13:2

I Abram ti sangulun langkaya' kaga'. Mokoondo' io ra domba, kambing, sapi', pirok am niayuk mas.

KASAUKAN 26:13

Kinalangkaya' ri Isak no riminuang poyo am liminangkaya' io kaga'.

KASAUKAN 31:19

Paat raginio minongoi i Laban pagungkur ra bulu ru domba-domba nano, am paat raginio noyo tokowo' ri Ragil sinungkalalaing ri Laban no.

KASAUKAN 38:13

Makaulun nambala' ri Tamar ra iwan nano i Jiuda mongoi ra Timna pagungkur ra bulu ru domba nano.

2 SAMUIL 19:32

I Barjilai ti matutuo noyo kaga'. Io ti balu' ngoopor ngambilor noyo. Langkaya' io kaga', am buoi ru raja' minayan giu' ra Maganaim ragili, i Barjilai ondo' manaak ra akanon ra raja'.

AYUP 1:3

am niayuk mokoondo' ra suang 7,000 ngainan domba, 3,000 ngainan unta am 1,000 ngainan sapi' am 500 ngainan kaladai. Io niayuk mokoondo' masuang ulipon, am io noyo ulun ondo' langkaya' kaga' ra gino ngai' mamagun giu' ra libung ru Sirangon.

AYUP 42:12

Nambarakat Tuhan ri Ayup ra masuang poyo kaga' paat ra pupus ru kaayagan nano intor ra paat ra io kalo poyo naimbolo'. Mokoondo' i Ayup ra 14,000 ngainan domba, 6,000 ngainan unta, 2,000 ngainan sapi', am 1,000 ngainan kaladai.

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

AMSAL 30:22

Sangulun ulipon ondo' masauk ra raja', sangulun sasambungon ondo' makaalap ra nansalinut akanon ra kasagaan no,

JOSUA 15:55

Suai raginio nakasimpung niayuk Maon, Karmil, Jiip, Juta,

1 SAMUIL 15:12

Katawang ra suabon no ra iosusuab ayuk poyo, inuyum ri Samuil no Raja' Saul. Norongog ri Samuil ra minugar noyo Raja' Saul minongoi ra bandar Karmil koson manirong ra batu pangkaraan ra tayar nano galama' ra giu' no. Kopongo raginio narampus Raja' Saul minongoi ra Gilgal.

1 SAMUIL 23:24

Ilo pana minuli boo ra Jiip siminigulu ra Raja' Saul. Paat raginio i Daut am ulun-ulun nano soroi giu' ra intok masiluk Maon, giu' ra limayak ondo' masiluk ra tampilon rabugus ru tana' kaagisan Jiuda.

1 SAMUIL 30:5

Karuruo andu' ri Daut, i Aginoam am i Abigail, binundus niayuk.