1 SAMUIL 25:17 - Tanou Moonsoi Timugon

¹⁷ Ginio ra karaa' toojo atan ondo' musiti' baalon! Baal ragitio maaru' maparatong ra baal makalalaa' ra tuan takano am ngaangai' ru sasambaloi nano. Tuan takano bambalingatan kaga' saboi marara' mangkirongog ra bilin ru osoi pana!”

1 SAMUIL 25:17 ပူးပေါင်းရင်းမြစ်များ

2 SAMUIL 24:13

ratong i Gad minuma' riso am nampasaboi ra ragu ru Tuhan riso. Pangkuot nabi no, “Ati ka rondo' pilion muno? Pagun ti malumpa' ra bitilan buoi talu ngambilor, kapoam ilowon kou ru pantula' buoi talu ngansila', kapoam pagun ti matiu' ra maruol tumapik buoi talu ngoorou? Karaa' baal ragitio, am balai' aku ra taaman ondo' posoboyon kuno ra Tuhan.”

1 RAJA'-RAJA' 21:10

Mopongo raginio susubo' ruo ngaulun malaat manturung mantaluma' ri Nabot am manguu' riso ra nagulas io ri Aki Kapuuno' am raja'. Mopongo raginio ibito' io mingkual ra bandar am bobolo' io saboi matoi.”

1 RAJA'-RAJA' 21:13

Ratong ruo ngaulun malaat no am turung ra taluma' ri Nabot. Nanguu' ilo ri Nabot ra saang ru ulun masuang ra nagulas io ri Aki Kapuuno' am raja'. Ginio ra inibit i Nabot miningkual ra bandar am binobol saboi minatoi.

2 TUNUNG RU BANSA' ISRAIL 13:7

Kopongo raginio tinimung no kukula' ngaulun mangalaat am nangala ra Raja' Rigabiam anak ru Raja' Salomo, ondo' paat raginio lakat ayuk poyo mamulok kaga' am kalo mapandai koson manggal.

2 TUNUNG RU BANSA' ISRAIL 25:16

Kaa' pinutat ru Raja' Amajia ragu am indagu, “Intor sanggilan kia akai nampalantik rirun nasauk ra paminson ru raja'? Pongkoror, amon ru kalo, potoyon kou!” Kalo poyo nongkoror nabi no, indagu io, “Raino bagu no mapandayan ku ra mingkotog i Aki Kapuuno' koson mamuso rirun sabap ra ngaangai' ru binaal muno, am niayuk sabap ra kalo linio mu pinson kutu.”

ESTER 7:7

Siminangit kaga' raja', am bigor am nangiruan ra mija'; narayus raja' minongoi ra liwar, giu' ra taman istana. Nakaliman i Gaman ra ginuang noyo ru raja' koson mangukum riso sabap ra binaal nano. Ginio ra soroi ayuk i Gaman ra giu' no nabaya' ra Andu' raja' Ester koson makimasi' maa' raginio bayagon.

AMSAL 12:8

Ulun mapintar makaapu ra ompor; ulun sasambungon makaapu ra pagasaban.

SAGULION 13:13

ra kukula' ngaulun mangalaat intor ra bansa' min napalayau noyo ra mamagun ru bandar nilo saboi mamagun ra giu' no sumamba ra tuhan-tuhan ondo' kalo igondo' kau samba.

TINGGANAI RU BANSA' 19:22

Tatanga' ilo maansukan, pulusat ru kukula' ngaulun ondo' jajajou paliso intor ra bandar no nagawang ra baloi no, am tumalimpuun maningkag ra kulobon. Indagu ilo ra ulun matutuo no, “Pataako' ungkuyon ondo' giu' ra baloi muno. Masaga' akai rumulug riso!”

1 SAMUIL 10:27

Kaa' mokoondo' kukula' ngaulun malaat ondo' mindagu ra, “Ati kulaan ru ulun ragitio mokoonong ritakau?” Nagasab ilo ra Raja' Saul am kalo nanaak riso ra tangguang, kaa' talingoon bauwi ru Raja' Saul.

1 SAMUIL 2:12

Anak-anak ri Ili malaat kaga'. Kalo mampalio ilo ra Tuhan.

1 SAMUIL 20:7

Amon ru mindagu raja' no, ‘Iou noyo,’ aku ti am mamaa', kaa' amon ru sumangit raja' no, kapandayi' noyo ra namatas noyo raja' no koson mapajamar raki'.

1 SAMUIL 20:9

Taam i Jonatan, “Pai' kaimamang! Amon ru makapandai aku toojo ra ama' kuno totopot noyo mapajamar rirun, maaru' balain tokou.”

1 SAMUIL 25:16

Nangampin ilo ramon ra matawang am rondom ti buoi akai nagalung ra domba mamaar risilo.

1 SAMUIL 25:18

Nataki' i Abigail nangalap ra 200 ruti', ruo ngakantungan ru kungkung ondo' napanu' ra wain, limo ngainan domba pinanggang, 17 ngakilogram unor-unor ondo' sininggala', 100 ngantiis kismis am 200 kuui ara. Pinasakoi no ngaangai' no ra kukula' ngainan kaladai.

1 SAMUIL 25:25

Pai' noyo lioo' i Nabal no, ulun ondo' kolondo' onong no. Sala ka kia inggalan nano galama' arati' no sasambungon? Kalio aku ra giu' i paat ra ulun-ulun sinusub muno nakasaboi.