1 SAMUIL 25:11 - Tanou Moonsoi Timugon

¹¹ Ati kulaan ku alapon ruti' am inumon kuno, am niayuk kual ondo' tinampos kuno ra tayar ru ulun mopolompor ra bulu ru domba-domba kuno, am pataakin ngaangai' no ra ulun ondo' tawa ati intor!”

1 SAMUIL 25:11 ပူးပေါင်းရင်းမြစ်များ

AYUP 31:17

Kalo igondo' aku pompoloso ra anak nailusan ra matuo no maitilan, alika aku galama' maukop akanon.

2 KORINTUS 6:9

Karaan akai ra kalo kauligan, kaa' matutunan akai niayuk ru ngaangai' ulun. Masalok akai makauma' ra baal makapatoi, kaa' ilai', maayag akai niayuk. Kabalu' pana imboloon akai, kaa' kalo poyo napatoi.

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.

1 PITRUS 4:9

Apuo' noyo rondo' am bokon giu' ra baloi mino ra kalo mambarui.

TINGGANAI RU BANSA' 8:15

Kopongo raginio ongoi i Gidion ra tingganai-tingganai no am indagu, “Nakara' min kia ra kalo masaga' kau mangindangan raki' ragili? Kalo masaga' kau manaak ra akanon ra saujor-saujor kuno ondo' naagui, sabap ra minindagu kau raki' ra kalo poyo narakop ku i Jiba am i Salmuna. No', gitio noyo ilo!”

TINGGANAI RU BANSA' 8:6

Kaa' indagu tingganai-tingganai ru bandar Sukot, “Kua kia pangani' akai ra akanon ra saujor muno? Kalo poyo narakop min i Jiba am i Salmuna!”

TINGGANAI RU BANSA' 8:8

I Gidion pana namparayus ra pangkiralanan nano mongoi ra Pinuil. Giu' ra Pinuil nakiindangan io ra mamagun ru bandar no, kaa' taaman ru mamagun ru bandar no nogondo' koson ra taaman ru ulun Sukot.

1 SAMUIL 24:13

Gama' ru mamatas Tuhan no ra osoi ondo' makasala, aku kapoam okou. Amon ru mambalos Tuhan no ra binaal muno raki', kaa' kalo rualin tokou ra sanganu pana.

1 SAMUIL 25:12

Ginio ra ulun-ulun ri Daut siminaguli' ri Daut am nambala' ra rinagu ri Nabal no riso.

1 SAMUIL 25:7

Norongog ri Daut ra tatanga' kou mopolompor ra bulu ru domba muno. Kaala' no ra magagalung-magagalung muno ondo' soroi ra intok maino kalo igondo' mai taliojowo', am kalo igondo' ilo natatakan ra atan pana buoi soroi giu' ra Karmil.