1 SAMUIL 25:10 - Tanou Moonsoi Timugon

¹⁰ Taam i Nabal, “I Daut? Osoi kia io? Osoi kia anak ri Isai no? Kalo poyo igondo' aku pakaining intor riso? Pupupus ti, mokoondo' masuang ulipon nagigiru' intor ra tingganai nangandayan nilono giti ra pagun ti!

1 SAMUIL 25:10 ပူးပေါင်းရင်းမြစ်များ

2 SAMUIL 20:1

Giu' ra bandar Gilgal mokoondo' sangulun mampajajou makainggalan ri Siba anak ri Bikri, intor ra bansa' ru Binjamin. Nanamput io ra bujung am golok, “Kolondo' pabukatan takau ra Raja' Daut! Pai' baya' riso! Akau ulun ru Israil, ibok uli' takau!”

1 RAJA'-RAJA' 12:16

Paat ra mamagun no nakaliman ra kalo masaga' raja' no mangiou ra kitaakon nilo, golok ilo, “Pai' lioo' Raja' Daut am sasambaloi nano? Kalo igondo' ilo pambaal ra atan-atan ritakau! Ngaangai' ulun ru Israil, ibok kano uli' takau! Polosoon noyo Raja' Rigabiam migalung galama' ra inan nano!” Ginio ra gumuor ulun ru Israil,

KAINGKUALAN 5:2

“Osoi kia Tuhan no?” nangkuot raja' no. “Kua kia ru musiti' rongogon ku Io am mapaugar ra ulun ru Israil? Kalo nakaulig aku ra Tuhan no, am kalo paugaron ku ulun ru Israil.”

AMSAL 15:1

Taam ra molomoi mapalinos ra sangit, kaa' ragu-ragu ra moporos mapasingkual ra sangit.

MAMPATANOU 7:10

Pai' no igogondo' pangkuot, “Kua nua' baal ra galing i moonsoi poyo ka raino?” Pangkuatan koson raginio kalo matanda'!

JISAYA 32:5

Ulun sasambungon kalo boo karaan ra urumaton kaga', am ulun mamparuung kalo raguon ra mabanis guang.

JISAYA 32:7

Ulun mamparuung mangkara' am mambaal ra malaat. Mangkara' ilo ra ralan mamparuung ra ulun musikin ralalom ragu-ragu abau, am mongompong ra ulun musikin makaalap ra kaapuan nilono.

TINGGANAI RU BANSA' 9:28

Indagu i Gaal, “Itakau ti mamagun ru Sikgim. Kaa' osoi kia i Abimilik saboi itakau ti musiti' sumauk ra ulipon nano? Sala' ka kia anak io ri Gidion? I Abimilik am i Jibul, uakil nano, igondo' inulipon ri Gimor, ama' ri Sikgim, kinamatuaan takali. Kua musiti' uliponon takau ri Abimilik? Gagaya' noyo ra kinamatuaan takau i Gimor!

1 SAMUIL 20:30

Pokorongog raginio Raja' Saul siminangit kaga' ri Jonatan. Indagu Raja' no, “Tinimor ti! Raino nakapandai aku ra manaung kou ri Daut. Napakauyu' kou ra ina' muno am inan muno galama'.

1 SAMUIL 22:2

Ngaangai' ulun ondo' naimbolo', kapoam ondo' makautang, kapoam ondo' manguang, niayuk minamung ri Daut, am nasauk i Daut ra tingganai nilo. Suang ru mamaya' ri Daut no olo'-olo' apat ngaatus ngaulun.

1 SAMUIL 25:9

Pakasaboi ulun-ulun ri Daut ra Karmil, pinasaboi nilo bilin ri Daut no ri Nabal, am naginaa ilo ra giu' no.