1 SAMUIL 24:16 - Tanou Moonsoi Timugon

¹⁶ Tuhan no mangakim rirun am aku, am mangaru' ra osoi ondo' makasala. Gama' ru Io manutun ra baal ragitio, am manaung raki' am niayuk mamayag raki' intor rirun.”

1 SAMUIL 24:16 ပူးပေါင်းရင်းမြစ်များ

KASAUKAN 16:5

Indagu boo i Sarai ri Abram, “Ginio sala muno saboi magasab i Agar no raki'. Aku galama' napataak riso rirun am paat nalimanan no ra maapang io, magasab io boo raki'. Gama' ru salingapuon toojo ru Tuhan no ra osoi kia rito motopot, okou kia kapoam aku.”

KASAUKAN 2:2

Paat orou ra katulu', nopongo ri Aki Kapuuno' kandoi Nano am tangus Io boo.

KASAUKAN 33:4

Kaa' pasimbul i Isau rapog ri Jakub, ganggali' no liog ri Jakub am alaki' no io, am pantangi' ilo ruo.

1 TUNUNG RU BANSA' ISRAIL 12:18

Sangulun intor risilo, iono i Amasai, ondo' tauli no nasauk ra tingganai ru pulalai ondo' sabiton ra “Pulalai Talu Ngoopor”, kinuasa' ru Ambiluo ri Aki Kapuuno'. I Amisai pana mindagu, “Daut anak ri Isai, akai ti maamaya' muno! Gama' ru okou am ilo ondo' mangindangan rirun makasugut! I Aki Kapuuno' manaung rirun!” Inuma' ilo ri Daut am linantik ilo nasauk ra pagawai ru saujor nano.

AYUP 6:25

Ragu-ragu ondo' mabanis maintopot, kaa' raguon min no kolondo' onong.

MAZMUR 119:154

Sungkaa' aku no am palabuso' aku no; bayago' aku no sumugut ra bantu' Muno.

AMSAL 15:1

Taam ra molomoi mapalinos ra sangit, kaa' ragu-ragu ra moporos mapasingkual ra sangit.

AMSAL 25:11

Ragu-ragu ondo' pinabala' ra bulintok nano koson ayuk ra mas ralalom ru pinggan pirok.

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

RINALATAN 6:10

Kaa' Ambiluo ri Aki Kapuuno' nangani' ri Stipanus ra kapintaran manaam, ginio ra kalo boo makaanggal ilo riso.

TINGGANAI RU BANSA' 11:27

Kolondo' sala kuno rirun. Okou noyo ondo' makasala sabap mamulunsar ramon. Tuhan galama' noyo ondo' masauk ra akim. Mangakim Io ra baal ragitio ra ulun ru Israil am ulun ru Amon.”

1 SAMUIL 26:17

Nauligan ru Raja' Saul bolos ri Daut, am nangkuot io, “Daut, okou kia ginio, alii ra anak kuno?” Taam i Daut, “Iou, raja' kuno.”

1 SAMUIL 26:24

Koson ra aku nopoloso rirun naayag, gama' ru Tuhan niayuk mopoloso rirun maayag am mapalabus rirun intor ra ngaangai' kapaganan!”