1 SAMUIL 24:11 - Tanou Moonsoi Timugon

¹¹ Raino nakaili' kou galama' ra giu' ra ralalom ru luang batu ni, pinataak kou noyo ru Tuhan no raki'. Sinusub aku ru kukula' ngaulun ulun kuno koson mamatoi rirun, kaa' marara' aku. Tinaam ku ra kalo masaga' aku mapakaruol ra raja' ondo' pinili' noyo ru Tuhan.

1 SAMUIL 24:11 ပူးပေါင်းရင်းမြစ်များ

2 SAMUIL 1:14

Nangkuot i Daut riso, “Kua kia baani kou namatoi ra raja' ondo' pinili' ru Tuhan?”

2 RAJA'-RAJA' 5:13

Kaa' indagu ulipon-ulipon ri Naaman no riso, “Tuan, amon ru manusub nabi no rirun mambaal ra baal mapagon, maaru' baalon mu ginio. Moonsoi mariu' kou koson ra nanusuban nano maa' raginio mababas.”

AYUP 10:16

Amon ru moowot ku sanganu kasugutan, ilowon Mu aku koson ra singa'; am poyo mamakai Kou ra kaimuagan koson mamparuol raki'.

MAZMUR 119:161

Ulun mangunguasa' mangayou raki' ra kolondo' naayatan, kaa' ukum Muno ayuk kalaa' kuno.

MAZMUR 140:11

Polosoon noyo pulumpur ru apui rumatu' risilo; polosoon ilo no maratu' ra lagam am kalo boo makaingkual.

MAZMUR 35:7

Kolondo' naayatan ra mantaan ilo ra jajaling koson pamparakop raki' am mangkali ilo ra luang malandom koson pamparakop raki'.

MAZMUR 59:3

Palabuso' aku no intor ra ulun malaat no; palabuso' aku no intor ra ulun-ulun mamamatoi no!

AMSAL 15:1

Taam ra molomoi mapalinos ra sangit, kaa' ragu-ragu ra moporos mapasingkual ra sangit.

SULABOI 4:18

Masalok pantula' magilong ramon, saboi kalo makaingkual akai ra ralan. Patayan mai mamaar noyo, sabap ra kaayagan mai mapupusan noyo.

YEHEZKIEL 13:18

am posoboyo' noyo atan ondo' paraguon Kuno, Tuhan Raja' risilo, ‘Aibui boo ramuyun! Nambaal kau ra golong jimat am rundung gimbaran, maa' raginio makuasa' min kaayagan ru ulun bokon. Gumogot kau manguasa' ra kaayagan patayan ru ulun Kuno koson ra kaatangan min galama'.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

JUANIS 15:25

Maa' raginio masugut ondo' tinulisan ra Ukum nilo, ‘Masisang ilo Raki' kabalu' pana kolondo' sasaban.’

1 SAMUIL 12:3

Raino ti, migor aku ra saang min. Amon ru nambaal aku noyo ra kasalaan, panguu' kano raki' ra saang ru Tuhan am raja' ondo' pinili' Nano. Igondo' aku kia nampagaau ra sapi' kapoam kaladai ru ulun ra bokon? Igondo' aku kia namparuung kapoam nangimbolo' ra ulun bokon? Igondo' aku kia nangapu ra rasua intor ra ulun? Raguo' ayuk, maa' raginio atan ayuk ondo' inalap kuli pasagulion ku.”

1 SAMUIL 18:27

nababaya' i Daut ra ulun-ulun nano namatoi ra ruo ngaatus ngaulun Palistin; inalap ri Daut kungkung khatan nilono. Kopongo raginio pinataak ri Daut ngaangai' no ra raja' ra kalo natutusan ra rondo' pana maa' raginio masauk io ra anak mangiwan ru raja'. Ginio ra musiti' pawatin ru Raja' Saul no anak ruandu' nano i Mikgal no ri Daut.

1 SAMUIL 23:14

Nansibuni i Daut giu' ra intok-intok panindungan giu' ra kabuluran, giu' ra tana' kaagisan Jiip. Masalok io ilolowon ru Raja' Saul, kaa' Tuhan kalo napataak riso ra Raja' Saul.

1 SAMUIL 23:23

Ilai' min toojo intok-intok ondo' nasauk ra pansibunian nano, am kataki' kau saguli' mambala' raginio raki'. Ongoyon ku boo mabaya' ramuyun. Amon ru lakat io poyo soroi ra intok raginio, maaru' sunuon ku io kabalu' pana ra musiti' aku lumiput ra titikop ru Jiuda.”

1 SAMUIL 25:28

Ampuno' noyo kasalaan kutu. Maaru' Tuhan no mapasauk rirun am papag muno raja' ru Israil, sabap ra nangayou kou ra tayar ru Tuhan; kalo mambaal kou ra atan pana kalaatan ra buoi ru bayag muno.

1 SAMUIL 26:18

Indagu poyo i Daut, “Kua kia lakat kou poyo mangilou ra ulipon muti? Atan kia boo binaal kutu? Atan kia boo kasalaan kutu?

1 SAMUIL 26:20

Pai' polosoo' ra aku ti matoi giu' ra pagun ru ulun, maalur intor ra Tuhan. Kua kia ra raja' Israil masaga' mamatoi raki' ondo' inasaban nogondo' ra kutu ti? Kua kia masaga' kou mangilou raki' koson ra ulun mangilou ra tombokou?”

1 SAMUIL 26:23

Tuhan masalok mambarakat ra ulun ondo' gumagaya' am mabanis guang. Kabalu' pana ra orou raiti' okou pinataak No noyo raki', kaa' kalo lumaat aku rirun, raja' ondo' pinili' noyo ru Tuhan.