1 SAMUIL 23:4 - Tanou Moonsoi Timugon

⁴ Ginio ra nangkuot poyo i Daut ra Tuhan, am taam Tuhan, “Ongoi no am bulunsaro' noyo bandar Kigila, sabap ra manaak Aku rirun ra kamanangan ra ulun ru Palistin.”

1 SAMUIL 23:4 ပူးပေါင်းရင်းမြစ်များ

2 SAMUIL 2:1

Kopongo raginio pangkuot i Daut ra Tuhan, “Masaga' kia Tuhan ra ongoyon ku kuasaa' rondo' ra bandar giu' ra Jiuda no?” Taam Tuhan, “Iou.” Pangkuot i Daut, “Ati kia ra bandar?” Taam Tuhan, “Gibron.”

2 SAMUIL 5:19

Pangkuot Raja' Daut ra Tuhan, “Musiti' ku kia bulunsaron ulun ru Palistin? Aniin Mu kia aku ra kamanangan?” Taam Tuhan, “Bulunsaro' noyo! Mangani' Aku rirun ra kamanangan.”

2 RAJA'-RAJA' 3:18

Rayuso' poyo ri Ilisa, “Baal ragitio maluoi ra Tuhan. Io niayuk mangani' rirun ra kamanangan ra ulun ru Moab.

1 TUNUNG RU BANSA' ISRAIL 14:10

Nokorongog raginio, pangkuot Raja' Daut ri Aki Kapuuno', “Musiti' kia bulunsaron ku ulun ru Palistin? Aniin Mu kia aku ra kamanangan?” Taam Tuhan, “Bulunsaro' noyo! Aniin Tokou ra kamanangan!”

JOSUA 8:7

Paat raginio musiti' kau mingkual intor ra pansibunian am mampagaau ra bandar no. Manaak Tuhan i Aki Kapuuno' min ra bandar raginio ramuyun.

TINGGANAI RU BANSA' 6:39

Indagu boo i Gidion ri Aki Kapuuno', “Pai' sangit raki'; iowo' noyo aku mindagu igondo' poyo. Iowo' noyo aku mambaal rondo' pangkinaman poyo ra bulu ginunting no. Raino ti polosoon noyo bulu ru domba no mapua', kaa' tana' maasa'.”

TINGGANAI RU BANSA' 7:7

Indagu boo Tuhan ri Gidion, “Mamayag Aku rirun am manaak rirun ra kamanangan ra ulun ru Midian ra talu ngaatus ngaulun ondo' mantila' ra timug. Susubo' noyo ngaangai' ulun ra bokon no muli'.”

TINGGANAI RU BANSA' 7:9

Paat rondom ragili minindagu Tuhan ri Gidion, “Sukal no! Ongoi noyo bulunsaro' nangkiman ru ulun ru Midian. Manaak Aku rirun ra kamanangan risilo.

1 SAMUIL 10:22

Ginio ra kuati' nilo Tuhan, “Iou Tuhan, soroi kinua' ulun no ragiti?” Taam Tuhan, “Nansibuni i Saul giu' ra talikuron ru kuliamos-kuliamos.”

1 SAMUIL 23:2

Ginio ra nangkuot io ra Tuhan, “Musiti' ku kia ongoyon bulunsaro' ulun ru Palistin?” Taam Tuhan, “Iou. Bulunsaro' ilo no am bayago' noyo mamagun ru Kigila.”

1 SAMUIL 23:3

Kaa' indagu ulun-ulun ri Daut riso, “Ali ka giti ra Jiuda ti mangalaa' takano, mulu' piboo amon ru mongoi takau ra Kigila am mamulunsar ra ulun ru Palistin!”

1 SAMUIL 23:5

I Daut am ulun-ulun nano pana minongoi boo ra Kigila am namulunsar ra ulun ru Palistin. Namatoi ilo ra masuang ulun ru Palistin am nanalingaau ra bibiag tinambiag nilono. Kon raginio noyo i Daut namayag ra mamagun ru bandar no.

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.

1 SAMUIL 30:8

Kopongo raginio pangkuot i Daut ra Tuhan, “Musiti' aku kia mangilou ra ulun-ulun mantakou no? Makarakop aku kia risilo?” Taam Tuhan, “Ilowo' noyo ilo. Masunu' mu ilo am mamayag ra ulun-ulun rinakop.”