1 SAMUIL 23:1 - Tanou Moonsoi Timugon

¹ Paat ra sangarawan binalaan i Daut ra namulunsar ulun ru Palistin ra bandar Kigila am nanalingaau ra unor-unaran ondo' bagu kinumos.

1 SAMUIL 23:1 ပူးပေါင်းရင်းမြစ်များ

DANIL 2:35

Pulali' ru sinungkalalaing no naaba' am nasauk ra tuntur ru basi', tana' lia', tambaga', pirok am mas ondo' naumok koson ra kaau giu' ra intok mangagik ra gandum bulintok ra malasu'. Angin pana nanampui riso ra kalo nanatang ra atan pana babaya'. Kaa' batu no nasauk ra rondo' gunung ondo' namapak ra titikop ru tana' ti.

IMAMAT 26:16

ukumin Ku akau. Porotongon Ku ramuyun baal makalalaa' – maruol ondo' kalo maalap kababas am salom, saboi moolou kau am maimbolo'. Magitanom kau kaa' papalo ayuk, sabap ra kalaan kau ru pantula' mino am mangakan ra ampos ru tinanom mino.

MIKA 6:15

Mantanom kou ra gandum, kaa' kalo makumos min. Mambaal kau ra umau intor ra kawa' ru jaitun, kaa' kalo mapakai min umau no. Mambaal kau ra wain, kaa' kalo mainum min ginio.

SAGULION 28:33

Talingaawon ru bansa' ru bokon ngaangai' ampos ru tatanom ondo' piniratan min toojo. Akau galama' kalo mangapu ra rondo' pana, kaa' pangimbalaan ondo' mararayus am baal kalaatan.

SAGULION 28:51

Mangalap ilo ra bibiag tinambiag am ampos ru tatanom min, kaa' matoi kau ra maitilan. Kalo manatang ilo ramuyun ra gandum, wain, umau jaitun, sapi' kapoam domba am matoi kau.

JOSUA 15:44

Kigila, Akjib am Marisa; ngaangai' no siam bandar nabaya' ra ngaangai' pekan giu' ra liput no.

TINGGANAI RU BANSA' 6:11

Kopongo raginio paat ra rondo' orou minatong malaikat ru Tuhan ra pekan Opra am nanturung ra saau ru puun oak longgom ri Joas, sangulun intor ra bansa' ru Abiijir. Anak ungkuyon ri Joas ondo' makainggalan ri Gidion tatanga' mangagik ra gandum giu' ra intok pamagaan ra anggur. Nambaal io ra kandoi no ra sininok maa' raginio kalo makito io ru ulun ru Midian.

TINGGANAI RU BANSA' 6:4

Nangkim ilo giu' ra pagun ru Israil am nampaluyak ra ngaangai' tatanom ra giu' saboi ra libung giu' ra liliut ru Gaja tampilon rabugus. Ginaau nilo ngaangai' bibiag tinambiag ru ulun ru Israil – domba, sapi' am kaladai. Kolondo' rondo' pana tinatang saboi kolondo' toojo akanon ru ulun ru Israil.