1 SAMUIL 22:7 - Tanou Moonsoi Timugon

⁷ indagu io ra pagawai-pagawai nano, “Rongogo', akau ngaangai' ulun ru Binjamin! Mangkara' kau kia ra i Daut no mangani' ramuyun ra umo am umo ru anggur? Saukon kau kia ngaangai' ra pagawai ralalom ru saujor nano?

1 SAMUIL 22:7 ပူးပေါင်းရင်းမြစ်များ

2 SAMUIL 18:1

Nanimung Raja' Daut ra ngaangai' ulun nano, am tinayar no ilo nasauk ra kukula' pulalai ondo' suang intor ra saribu am maatus ngaulun. Kopongo raginio nampalantik io ra kukula' ngaulun tutumula' koson maningganai ra moonong pulalai.

2 SAMUIL 20:1

Giu' ra bandar Gilgal mokoondo' sangulun mampajajou makainggalan ri Siba anak ri Bikri, intor ra bansa' ru Binjamin. Nanamput io ra bujung am golok, “Kolondo' pabukatan takau ra Raja' Daut! Pai' baya' riso! Akau ulun ru Israil, ibok uli' takau!”

1 RAJA'-RAJA' 12:16

Paat ra mamagun no nakaliman ra kalo masaga' raja' no mangiou ra kitaakon nilo, golok ilo, “Pai' lioo' Raja' Daut am sasambaloi nano? Kalo igondo' ilo pambaal ra atan-atan ritakau! Ngaangai' ulun ru Israil, ibok kano uli' takau! Polosoon noyo Raja' Rigabiam migalung galama' ra inan nano!” Ginio ra gumuor ulun ru Israil,

1 TUNUNG RU BANSA' ISRAIL 12:16

Rondo' paat ra santimungan ulun intor ra bansa' ru Binjamin am bansa' ru Jiuda minongoi ra kubu inayanan ri Daut.

JISAYA 11:1

Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.

JISAYA 11:10

Masuku' sangarawan bulintok ra sangulun raja' papag ru raja' Daut masauk ra tatandu' ru ngaangai' bansa'. Matong ilo riso, am bansa' nano galama' masauk ra sasabiton.

1 SAMUIL 18:14

am nakasugut io nambaal ra ngaangai' kandoi nano sabap ra Tuhan mabaya' riso.

1 SAMUIL 20:27

Suabon raginio, songorou malupus Pangiantakan ra Sila' Bagu, kurisi' ri Daut no lakat poyo kolondo' nanturung. Kopongo raginio pangkuot Raja' Saul ri Jonatan, “Kua kinua' ri Daut kalo siminaang ra bunsag, ra mai' i am ra orou raiti'?”

1 SAMUIL 20:30

Pokorongog raginio Raja' Saul siminangit kaga' ri Jonatan. Indagu Raja' no, “Tinimor ti! Raino nakapandai aku ra manaung kou ri Daut. Napakauyu' kou ra ina' muno am inan muno galama'.

1 SAMUIL 22:13

Pangkuot Raja' Saul riso, “Kua pampakat kou am i Daut mamatoi raki'? Kua anii' mu io ra akanon am ilang? Kua pakitulu' kou ri Aki Kapuuno' ra tayar nano? Raino giminuor io raki', am tatanga' maginaa ra kaluagan koson mamatoi raki'!”

1 SAMUIL 22:9

I Doig, tingganai ru magagalung ra bibiag tinambiag ru Raja' Saul, niayuk soroi ra giu' no nabaya' ra pagawai-pagawai ru raja', kon boo ri Doig, “Nakakito aku ri Daut minatong ri Agimilik anak ri Agitub, giu' ra Nob.

1 SAMUIL 25:10

Taam i Nabal, “I Daut? Osoi kia io? Osoi kia anak ri Isai no? Kalo poyo igondo' aku pakaining intor riso? Pupupus ti, mokoondo' masuang ulipon nagigiru' intor ra tingganai nangandayan nilono giti ra pagun ti!