1 SAMUIL 22:6 - Tanou Moonsoi Timugon

⁶ Sangarawan raginio tatanga' Raja' Saul nanturung ra ragana' ru puun tamariska giu' ra rasawat ru bulur giu' ra Gibia; tatanga' io nampaguut ra tutura' am ngaangai' pagawai minigor ra liput nano. Paat ra io nokorongog ra intok ri Daut am ulun-ulun nano natuum noyo,

1 SAMUIL 22:6 ပူးပေါင်းရင်းမြစ်များ

KASAUKAN 21:33

Pantanom boo i Abragam ra puun tamariska ra Birsyiba am intok sambaan nano ra Tuhan i Aki Kapuuno' ondo' mantilayun.

TINGGANAI RU BANSA' 4:5

Kaindalaman ri Dibora manturung ra saau ru sampuun kurma, nangkilolot ra Rama am Bitil, giu' ra kabuluran ru Ipraim. Giu' noyo ratangan ru ulun ru Israil koson makibilin riso.

1 SAMUIL 14:2

Paat raginio soroi Raja' Saul ra saau ru puun dalima' giu' ra Migron, kalo maalur intor ra Gibia; mokoondo' ra olo'-olo' onom ngaatus ngaulun nababaya' ra Raja' Saul.

1 SAMUIL 18:10

Suabon no, soroi Raja' Saul giu' ra ralalom baloi am tatanga' nampaguut ra tutura'. Pulali' ru Raja' Saul no sinubol ru ambiluo malaat ondo' sinusub ri Aki Kapuuno', saboi giminabu' io koson ra ulun mantuyang. Paat raginio tatanga' i Daut mangkuli ra jitor koson ra kaindalaman.

1 SAMUIL 19:9

Sangarawan raginio tatanga' Raja' Saul nanturung liliwa' nampaguut ra tutura' giu' ra baloi. Pulali' ru Raja' Saul no sinubol poyo ru ambiluo malaat ondo' sinusub ru Tuhan. Paat raginio soroi i Daut ra giu' no am tatanga' nangkuli ra jitor nano.

1 SAMUIL 20:33

Paat raginio niayuk Raja' Saul no napatura' ra tutura' ra tampilon ri Jonatan koson mamatoi riso. Ginio ra nakaliman i Jonatan ra totopot ama' nano mamatoi ri Daut.

1 SAMUIL 31:13

Kopongo raginio inumung nilo ngaangai' bungul no am linobong ginilo ra saau ru puun tamariska giu' ra bandar Jabis, am nampali ilo ra buoi katuluan.