1 SAMUIL 22:3 - Tanou Moonsoi Timugon

³ Intor ra luang batu no minongoi i Daut ra Mijpa giu' ra pagun Moab. Indagu io ra raja' Moab no, “Paayano' noyo matuo kuno rirun saboi ra aku makapandai ra kasagaan ri Aki Kapuuno' no raki'.”

1 SAMUIL 22:3 ပူးပေါင်းရင်းမြစ်များ

KASAUKAN 47:11

Paayano' boo ri Jusup ama' am pagaka'-pagaka' nano ra tana' ru Misir. Anii' no ilo ra rapu' iono tana' ondo' moonsoi kaga' mamaar ra bandar Ramisis, koson ra nanusuban ru raja' no.

2 SAMUIL 8:2

Kopongo raginio nangala Raja' Daut ra ulun ru Moab. Nanusub io ra ulun inaput nano lumangan ra tana', pamatoi io boo ra ruo ngaulun intor ra moonong talu ngaulun. Ginio ra ulun ru Moab naala ra Raja' Daut am mambayar riso ra cukai.

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

1 TIMOTIUS 5:4

Kaa' amon ru sasangulun napuor no makaanak kapoam akupu, ilo ti musiti' lansanin koson magalung ra sasambaloi nilai galama'. Sabap ragitio ralan nilo mambalos ra indangan ru matuo am aki-aru' nilo am niayuk mampakatasu' ri Aki Kapuuno'.

TINGGANAI RU BANSA' 11:29

Paat raginio Ambiluo ru Tuhan nanguasa' ri Jipta. I Jipta pana liniput ra titikop Giliad am Manasi, am saguli' ra Mijpa giu' ra Giliad. Intor ra giu' ongoi io ra Amon.

RUT 4:10

Ra am poyo i Rut ruandu' ru Moab no, napuor ri Maglon no, andu' ku raino ti. Raginio noyo, tana' longgom ru ulun minatoi masauk ra longgom mantilayun ru papag nano. Papag nano pana magulayun soroi ra pabukat-pabukat nano am mayan ra bandar nano. Akau noyo sasi' ru ginio ra orou raiti'.”

RUT 4:17

Ruandu'-ruandu' ondo' pasambalayan ri Naomi nanginggalan ra anak no i Obid. Mindagu ilo ra moonong ulun, “I Noami makaanak sangulun ungkuyon!” I Obid ti noyo masauk ra ama' ri Isai ra tauli no, am i Isai masauk ra ama' ri Daut.

1 SAMUIL 14:47

Kopongo raginio Raja' Saul nasauk ra raja' ru ulun ru Israil, nangayou io ra ngaangai' pantula' nano ra ati-ati intok: Ulun ru Moab, Amon am Idom; raja' ru pagun Joba am ulun ru Palistin. Ati ayuk intok ru Raja' Saul mangayou, masalok io mamanang.

1 SAMUIL 22:2

Ngaangai' ulun ondo' naimbolo', kapoam ondo' makautang, kapoam ondo' manguang, niayuk minamung ri Daut, am nasauk i Daut ra tingganai nilo. Suang ru mamaya' ri Daut no olo'-olo' apat ngaatus ngaulun.

1 SAMUIL 22:4

Ginio ra inibit ri Daut no matuo nano ra raja' ru pagun Moab, am minayan ilo ra giu' no buoi ri Daut nansibuni giu' ra luang batu.

1 SAMUIL 3:18

Ginio ra nantunung i Samuil ra ngaangai' no. Kalo binuni no atan pana. Kopongo raginio indagu i Ili, “Io noyo Tuhan; polosoon Io no mambaal ra atan ondo' karaan Nano ra moonsoi.”