1 SAMUIL 22:23 - Tanou Moonsoi Timugon

²³ Ayan no raki' am pai' kalaa'. Moogot Raja' Saul no mamatoi rirun, kaa' moogot io mamatoi raki' niayuk. Ginio ra mamimio kou ra intok kutu.”

1 SAMUIL 22:23 ပူးပေါင်းရင်းမြစ်များ

2 SAMUIL 9:7

Indagu Raja' Daut riso, “Pai' kalaa'. Mataau aku rirun sabap ri Jonatan, ama' muno. Mangani' aku rirun saguli' ra ngaangai' tana' ondo' ragili linonggom ru aki muli Raja' Saul. Magail kou kimaitin mangakan ra mija' kuno.”

1 RAJA'-RAJA' 1:7

Nansunur i Adonia ri Joab (ina' ri Joab inggalan no i Jiruya) am Imam Abiatar. Karuo-ruo nilo nangiou koson manungka' ri Adonia.

1 RAJA'-RAJA' 2:26

Kopongo raginio indagu Raja' Salomo ra Imam Abiatar, “Uli' no ra intok namagunan muli giu' ra Anatot. Sotopot no okou ti ukumin ra matoi, kaa' kalo mangukum aku raginio rirun raino, sabap ra paat okou lakat poyo nabaya' ra ama' kuno, nagalung kou ra Kaban Nabantuan ru Tuhan, am nakaaya' kou naimbolo' nabaya' ra ama' kuno.”

MATIUS 24:9

“Akau pana rokopon boo am imboloon am potoyon. Ngaangai' ru ulun masisang ramuyun sabap ra akau maya' Raki'.

JUANIS 15:20

Karaa' min rinagu Kuli; ‘Sangulun ulipon kalo maatang intor ra tuan nano.’ Amon ru nangimbolo' ilo Raki', mangimbolo' ilo niayuk ramuyun. Amon ru ragu Kuli sinugut nilo, ragu mino pana gagayaan nilo.

JUANIS 17:12

Buoi Aku soroi risilo, inalungan Ku ilo ralalom ru kuasa' ru inggalan Muno – io no kuasa' ondo' pinataak Muno Raki'. Inalungan Ku ilo am kolondo' sangulun pana intor risilo naluus, suai poyo ra sangulun i, ondo' inaru' noyo maluus. Maa' raginio, masugut boo ondo' tinulisan ra Buuk Kitab.

JUANIS 18:9

Minindagu Io raginio, koson nasugut boo ondo' rinagu Nano ragili; ‘Ama', intor ra ulun-ulun ragitio ondo' pinataak Muti Raki', kolondo' sangulun pana maluus.’)

1 SAMUIL 23:17

Kon ri Jonatan riso, “Pai' kalaa', kalo marakop kou ru ama' kuno. Nakapandai io toojo ra okou noyo masauk ra raja' ru Israil am ra aku ti makaintok ra ragana' muno.”