1 SAMUIL 22:2 - Tanou Moonsoi Timugon

² Ngaangai' ulun ondo' naimbolo', kapoam ondo' makautang, kapoam ondo' manguang, niayuk minamung ri Daut, am nasauk i Daut ra tingganai nilo. Suang ru mamaya' ri Daut no olo'-olo' apat ngaatus ngaulun.

1 SAMUIL 22:2 ပူးပေါင်းရင်းမြစ်များ

2 SAMUIL 17:8

Okou nakapandai ra Raja' Daut am ulun-ulun nano tutumula' ondo' maikang ra baani. Ilo no koson ra kinasangit ru baawang ruandu' ondo' natatakan ra anak nano. Raja' Daut ti niayuk sangulun saujor makanailian, ondo' kalo igondo' pombolong ra rondom ti mabaya' ra ulun-ulun nano.

2 SAMUIL 5:2

Intor ragili, am poyo paat ra Raja' Saul lakat poyo raja' mai, okou noyo naningganai ra saujor ru Israil nangayou. Binantu' niayuk ru Tuhan no rirun ra okou maningganai ra ulun Nano am masauk ra raja' nilo.”

2 RAJA'-RAJA' 20:5

sumaguli' ra Raja' Gijkia, raja' ru ulun ru Tuhan. Napasaboi i Jisaya ra ragu ti riso, “Koon ragitio ragu ru Tuhan, i Aki Kapuuno' ru kinamatuaan ru raja' Daut, ‘Norongog Ku noyo pakiasian muno. Nakito Ku lomou muno. Namabas Aku no rirun am buoi talu ngoorou mongoi kou ra Baloi ru Tuhan.

2 RAJA'-RAJA' 4:1

Paat ra sangarawan, napuor ru sangulun nabi minatong ri Ilisa am indagu, “Tuan, minatoi noyo ralaki kuli! Nakapandai kou ra io sangulun ondo' gumagaya' ri Aki Kapuuno' kaa' nagutang io ra sasangulun. Raino ulun no minatong koson mampagaau ra ruo ngaulun anak ungkuyon kuno am saukon ilo ra ulun inulipon koson mambayar ra utang ru ralaki kuli.”

AMSAL 31:6

Inumon mampagauk no inumon koson ulun matikapatoi am ondo' naimbolo'.

MATIUS 11:12

Intor ri Juanis Mampariu' nampatanou ra tanou no suku' raino ti, Pamarintaan ri Aki Kapuuno' inanggal ru ulun malaat ondo' mangkinam manguasa' no pabayaan ra kalaatan.

MATIUS 11:28

“Ratong kano Raki' akau ngaangai' ondo' naagui sabap ra naagatan; patanguson takamin.

IBRANI 2:10

Sumugut ra inatang ri Aki Kapuuno' ondo' nambaal am niayuk magalung ra ngaangai', matimpok niayuk i Jisus saukon ra matanda' mansail ra kaimbalaan. Maa' raginio urumaton ri Aki Kapuuno' masuang anak Nano mababaya' ri Jisus ondo' magibit risilo ra pamayagan.

TINGGANAI RU BANSA' 11:3

Ginio ra nagiru' i Jipta intor ra pabukat-pabukat nano am minayan giu' ra wilayah Tob. Giu' no naningganai io ra santimungan ulun malaat am minongoi ilo pantakou.

TINGGANAI RU BANSA' 18:25

Indagu ulun ru bansa' ru Dan riso, “Pongkoror! Amon ru kalo, sumangit ngaangai' ulun ti am mamulunsar rirun. Magu' okou am ngaangai' sasambaloi muno matoi.”

1 SAMUIL 22:3

Intor ra luang batu no minongoi i Daut ra Mijpa giu' ra pagun Moab. Indagu io ra raja' Moab no, “Paayano' noyo matuo kuno rirun saboi ra aku makapandai ra kasagaan ri Aki Kapuuno' no raki'.”

1 SAMUIL 23:13

Ginio ra i Daut am ulun-ulun nano, olo'-olo' onom ngaatus ngaulun, nagindibok nangiruan ra Kigila am timinanggau intor ra rondo' intok minongoi ra intok ra bokon. Pokorongog Raja' Saul ra minugar noyo i Daut intor ra Kigila, kalo sinugut no inatangan nano.

1 SAMUIL 25:13

Nanusub i Daut, “Abilo' ilang mino ra awak min sigagama'!” Nataki' ulun-ulun ri Daut giminagaya' ra susuban nano. Inabil niayuk ri Daut ilang nano ra awak nano am minugar nabaya' ra olo'-olo' apat ngaatus ngaulun, am ruo ngaatus ngaulun ra bokon timinatang koson magalung ra kuliamos-kuliamos.

1 SAMUIL 30:6

Raino i Daut ralalom ru kapaganan maayo. Ulun-ulun nano siminangit riso sabap ra kalio noyo boo anak andu' nilono. Nompololob ilo koson momobol ri Daut, kaa' Tuhan Aki Kapuuno' nano nangikang ra guang nano.

1 SAMUIL 9:16

“Susuab no tampilon ra susuab ti olo'-olo' paat koson ragitio, manusub Aku ra sangulun ungkuyon intor ra bansa' ru Binjamin muma' rirun. Umawo' ulu nano ra umau koson ra tatandu' nampili' riso masauk ra raja' ru ulun Kuno Israil. Mapalabus io ra ulun Kuno intor ra ulun ru Palistin. Nakito Ku noyo kaimbalaan ru ulun Kuno, am norongog Ku noyo tangi' nilo ra makiindangan.”