1 SAMUIL 22:19 - Tanou Moonsoi Timugon

¹⁹ Nanusub niayuk Raja' Saul maa' raginio ngaangai' ru mamagun ru Nob, bandar ru imam no, potoyon ngaangai' no, nakaaya' ungkuyon, ruandu', lalaing, lalagang, am niayuk sapi', kaladai am niayuk domba.

1 SAMUIL 22:19 ပူးပေါင်းရင်းမြစ်များ

NIGIMIA 11:32

giu' ra Anatot, Nob, Ananya,

JISAYA 10:32

Orou raiti' pantula' siminoroi ra bandar Nob; giu' no gonggomon nilo palar tumingkuang ra Bulur Sion, mongoi ra bandar Jirusalim.

GOSIA 10:14

am akau pana malumpa' ru pangayawan am ngaangai' kubu min pusoon. Baal nano masauk koson ra orou ru Raja' Salman namuso ra bandar Bit-Arbil ralalom pangayawan, am nampaluus ra ina'-ina' nababaya' ra anak-anak nilo.

MATIUS 21:16

Konilo ri Jisus, “Makaining kou ra atan sinabit nilono?” “Iou, makaining Aku,” taam i Jisus. “Kalo kia igondo' kau pambasa' tayar ru Buuk Kitab ragitio? ‘Lalaing am lalagang inila' Mu noyo mongompor ra matanda'.’ ”

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

JOSUA 6:17

Bandar no am ngaangai' ra giu' no musiti' pusoon lingono' koson taak ra Tuhan. I Ragab ayuk am sasambaloi nano ondo' bayagon, sabap pinasibuni no ulun pansigo takau.

JOSUA 6:21

Ra ilang, namatoi ilo ra moonong ulun ralalom ru bandar no, ungkuyon am ruandu', ondo' mamulok am ondo' matutuo. Namatoi ilo niayuk ra sapi', domba am kaladai.

1 SAMUIL 15:3

Ongoyo' min bulunsaro' ulun ru Amalik, pusoo' min ilo am umoko' min ngaangai' ondo' soroi risilo no. Pai' min tatango' rondo' pana. Potoyo' min ngaangai' ungkuyon, ruandu', lalaing borok, lalagang, sapi', domba, unta am kaladai.”

1 SAMUIL 15:8

Rinakop ru Raja' Saul no Raja' Agag, raja' ru ulun ru Amalik, am namatoi ra ngaangai' ulun ru Amalik,

1 SAMUIL 15:9

kaa' Raja' Saul am ulun nano kalo namatoi ra Raja' Agag. Kalo niayuk pinatoi nilo domba am sapi' ondo' molomok kaga', anak ru sapi' am anak ru domba ondo' molomok kaga', am ngaangai' ru ondo' mokologo; pinuso nilo ayuk ondo' kolondo' onong am kolondo' logo.

1 SAMUIL 21:1

Kopongo raginio minongoi i Daut ra Imam Agimilik giu' ra Nob. Nonontol i Agimilik miningkual tuum ri Daut, am pangkuot, “Kua ratong kou ragiti ra misasangulun?”

1 SAMUIL 22:11

Ginio ra nanusub Raja' Saul no ra ulun mambala' ra Imam Agimilik am ngaangai' ru sasambaloi nano ondo' nasauk ra imam giu' ra Nob maa' raginio matong uma' riso.

1 SAMUIL 22:9

I Doig, tingganai ru magagalung ra bibiag tinambiag ru Raja' Saul, niayuk soroi ra giu' no nabaya' ra pagawai-pagawai ru raja', kon boo ri Doig, “Nakakito aku ri Daut minatong ri Agimilik anak ri Agitub, giu' ra Nob.