1 SAMUIL 22:18 - Tanou Moonsoi Timugon

¹⁸ Ginio ra indagu Raja' Saul ri Doig, “Okou noyo mamatoi risilo!” Pinatoi boo ri Doig no ngaangai' ru imam no. Paat ra orou raginio namatoi io ra balu' ngoopor am limo ngaulun imam ondo' iniou mambayang ra efod.

1 SAMUIL 22:18 ပူးပေါင်းရင်းမြစ်များ

2 TUNUNG RU BANSA' ISRAIL 24:21

Minaya' Raja' Joas naguguum ra mamagun koson manggal ri Jakaria, am ra ragu ru raja', mamagun nomobol ri Jakaria giu' ra liliut Baloi ru Tuhan.

MAZMUR 78:64

Imam pinatoi ra ilang, am andu' nilo sawayon kalo pantangion.

KAINGKUALAN 28:40

“Pambaal niayuk ra bayang maawar, abot am sigal ra anak-anak ri Arun no maa' raginio makito ilo ra maatang kaga'.

AMSAL 24:15

Pai' koson ra ulun malaat ondo' maguguum mongoi pantakou ra ulun mabanis guang am mampagaau ra baloi nilono.

GOSIA 5:11

Raino Israil inimbolo'. Natatakan io ra tana' longgom nano sabap ra mokotog guang nano am nakiindangan intor ra ulun ondo' mailo mangindangan riso.

GOSIA 7:3

Indagu Tuhan, “Ra ruung am binaal malaat, kuminam mamagun mampabansuk ra guang ru raja' am pagawai-pagawai nano.

MIKA 6:16

Baal ragitio masauk sabap minaya' kau ra baal malaat ru Raja' Omri, am anak nano, Raja' Agab. Minaya' kau ra aturan ondo' inaru' nilo. Ginio ra mamuso Aku ramuyun, am ngaangai' ulun magasab ramuyun. Ulun giu' ra ati ayuk intok masisang ramuyun.”

JIPANYA 3:3

Tingganai-tingganai ru bandar no koson ra singa' ondo' mansasangal. Akim-akim no koson ra taani maitilan ondo' masuung kaga' saboi saputul bungul pana kolondo' ondo' natatang koson ra suabon no.

1 SAMUIL 2:18

Liliwa' raginio, i Samuil ondo' lalaing ayuk poyo narayus mangandoi ayuk ra Tuhan. I Samuil nambayang ra bayang timpok intor ra konoon linon, koson ra bayang sambayang ru imam-imam.

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.

1 SAMUIL 2:36

Moonong ra papag muno ondo' lakat poyo maayag mongoi ra imam no koson makitaak ra ruit am akanon. Makitaak io maa' raginio paindanganon ra imam-imam koson makaalap ra akanon ioupana ru sambayut ayuk.’ ”