1 SAMUIL 22:17 - Tanou Moonsoi Timugon

¹⁷ Kopongo raginio nangani' Raja' Saul ra susuban ra magagalung-magagalung ondo' minigor ra sapapa' nano, “Potoyo' min imam-imam ru Tuhan ti! Nampapakat ilo noyo ri Daut, am kalo nambala' raki' ra nagiru' noyo i Daut, kabalu' pana nakapandai ilo ra buoi ti.” Kaa' magagalung-magagalung no kalo masaga' mamatoi ra imam-imam ru Tuhan no.

1 SAMUIL 22:17 ပူးပေါင်းရင်းမြစ်များ

2 SAMUIL 15:1

Kopongo raginio napatampos i Absalom ra rondo' kuda am kukula' ngainan kuda ra tayar nano, am niayuk ra limo ngoopor ngaulun magalung riso.

1 RAJA'-RAJA' 1:5

Kopongo i Absalom minatoi, i Adonia, anak ungkuyon ru Raja' Daut am i Gagit, nasauk ra anak ondo' matuuo toojo. I Adonia ti sangulun buayoi ondo' maindon kaga'. Raja' Daut, ama' nano, kalo igondo' sangit ri Adonia kabalu' pana nambaal io ra sala. Gumogot kaga' i Adonia masauk ra raja'. Ginio ra igukop io galama' ra kurita' kuda, pulalai mangkuda, am limo ngoopor ngaulun magalung riso galama'.

1 RAJA'-RAJA' 14:27

Koson ra palit ru perisai-perisai mas no, nambaal Raja' Rigabiam ra perisai-perisai gangsa'. Pinalansan ru raja' no ngaangai' raginio ra pagawai-pagawai ondo' magalung ra kulobon-kulobon garabang ru istana.

1 RAJA'-RAJA' 18:4

Paat ri Ijibil namatoi ra nabi-nabi ru Tuhan, binuni ri Obaja maatus ngaulun nabi giu' ra ralalom ru luang batu. Tinayar no ilo ra ruo ngampulalai, limo ngoopor ngaulun sampulalai. Nangani' io risilo ra akanon am inumon.)

2 RAJA'-RAJA' 10:25

Kopongo ayuk Raja' Jigu nampataak ra taak simbalui, indagu io ra ulun-ulun magagalung am saujor nano, “Umpos no am potoyo' ilo ngaangai'. Pai' polosoo' sangulun pana magiru'!” Minumpos ulun-ulun magagalung am pagawai-pagawai no ra giu' no ra nanangilang. Namatoi ilo ra ngaangai' ulun am namparalaat ra baangkai-baangkai no miningkual. Kopongo raginio umpos ilo ra ralalom ru kuil

KAINGKUALAN 1:17

Kaa' ulun-ulun mampaanak no malaa' ri Aki Kapuuno'. Marara' ilo mambaal ra susuban ru raja', am pinoloso nilo lalagang ungkuyon maayag.

RINALATAN 4:19

Kaa' taam i Pitrus am i Juanis, “Guango' min galama' atan motopot ra pagilangan ri Aki Kapuuno': Gumagaya' ramuyun kia kapoam gumagaya' ri Aki Kapuuno'?

1 SAMUIL 14:45

Kaa' indagu mamagun ra Raja' Saul, “Musiti' kia ukumin i Jonatan ra matoi? Sala' ka kia io nokoowot ra kamanangan ondo' maayo ti? Binantu' mai ralalom inggalan ru Tuhan ondo' naayag, santiis ra abuk ri Jonatan no pana kalo kulawon! Mabaya' ra indangan ru Tuhan, nokoowot io ra kamanangan ra orou raiti'.” Koon raginio noyo mamagun namayag ri Jonatan intor ra ukuman matoi.

1 SAMUIL 2:31

Rongogo', masaboi paat no ra mamatoi Aku ra ngaangai' ungkuyon intor ra sasambaloi am bansa' muno, saboi kolondo' boo sangulun pana ungkuyon intor ra sasambaloi muno ondo' maayag saboi matutuo.

1 SAMUIL 20:33

Paat raginio niayuk Raja' Saul no napatura' ra tutura' ra tampilon ri Jonatan koson mamatoi riso. Ginio ra nakaliman i Jonatan ra totopot ama' nano mamatoi ri Daut.

1 SAMUIL 22:13

Pangkuot Raja' Saul riso, “Kua pampakat kou am i Daut mamatoi raki'? Kua anii' mu io ra akanon am ilang? Kua pakitulu' kou ri Aki Kapuuno' ra tayar nano? Raino giminuor io raki', am tatanga' maginaa ra kaluagan koson mamatoi raki'!”

1 SAMUIL 22:16

Indagu Raja', “Agimilik, okou am ngaangai' sasambaloi muno musiti' matoi.”

1 SAMUIL 25:17

Ginio ra karaa' toojo atan ondo' musiti' baalon! Baal ragitio maaru' maparatong ra baal makalalaa' ra tuan takano am ngaangai' ru sasambaloi nano. Tuan takano bambalingatan kaga' saboi marara' mangkirongog ra bilin ru osoi pana!”

1 SAMUIL 8:11

Nambala' i Samuil, “Gitio noyo baal pamakuan ru raja' mino ramuyun ra maagu no. Alapon ru raja' no anak ungkuyon mino koson pasaukon ra saujor. Mokoondo' ondo' masauk ra pulalai ru mangkarita' kuda, mokoondo' poyo ondo' masauk ra pulalai ru mangkuda, mokoondo' poyo ondo' masisimbul ra saang ru kurita' kuda ru raja' no.