1 SAMUIL 22:14 - Tanou Moonsoi Timugon

¹⁴ Taam i Agimilik, “Kaa' sala' ka i Daut no alia pagawai muno ondo' gumagaya' kaga'? Io anak mangiwan muno galama', tingganai magagalung rirun ayuk am urumaton kaga' ru ngaangai' ulun giu' ra istana.

1 SAMUIL 22:14 ပူးပေါင်းရင်းမြစ်များ

1 SAMUIL 17:25

Konilo ra rondo' am bokon, “Ilai' ga boo io! Rongogo' anggal nano! Nambantu' noyo Raja' Saul ra ulun ondo' makapamatoi ri Goliat aniin ra taak ondo' maayo. Paanduin niayuk ru Raja' no anak ruandu' nano ra ulun raginio, am sasambaloi ru ulun raginio kalo boo pana mambayar ra cukai.”

1 SAMUIL 18:13

Raja' Saul pana napabanding boo ri Daut intor ra ralalom ru istana am pinili' no nasauk ra tingganai ru pulalai ra saribu ngaulun saujor. Naningganai i Daut ra pulalai nano ralalom pangayawan,

1 SAMUIL 18:27

nababaya' i Daut ra ulun-ulun nano namatoi ra ruo ngaatus ngaulun Palistin; inalap ri Daut kungkung khatan nilono. Kopongo raginio pinataak ri Daut ngaangai' no ra raja' ra kalo natutusan ra rondo' pana maa' raginio masauk io ra anak mangiwan ru raja'. Ginio ra musiti' pawatin ru Raja' Saul no anak ruandu' nano i Mikgal no ri Daut.

1 SAMUIL 20:32

Taam i Jonatan, “Kua musiti' io matoi? Atan kia tula nano?”

1 SAMUIL 21:2

Taam i Daut, “Kandoi pinataakan raki' ru raja' am nanginggalar mambala' ra osoi pana intor ra kandoi no. Ginio ra nanusub aku ra ulun kuno maginaa ra rondo' intok.

1 SAMUIL 22:13

Pangkuot Raja' Saul riso, “Kua pampakat kou am i Daut mamatoi raki'? Kua anii' mu io ra akanon am ilang? Kua pakitulu' kou ri Aki Kapuuno' ra tayar nano? Raino giminuor io raki', am tatanga' maginaa ra kaluagan koson mamatoi raki'!”

1 SAMUIL 24:11

Raino nakaili' kou galama' ra giu' ra ralalom ru luang batu ni, pinataak kou noyo ru Tuhan no raki'. Sinusub aku ru kukula' ngaulun ulun kuno koson mamatoi rirun, kaa' marara' aku. Tinaam ku ra kalo masaga' aku mapakaruol ra raja' ondo' pinili' noyo ru Tuhan.

1 SAMUIL 25:28

Ampuno' noyo kasalaan kutu. Maaru' Tuhan no mapasauk rirun am papag muno raja' ru Israil, sabap ra nangayou kou ra tayar ru Tuhan; kalo mambaal kou ra atan pana kalaatan ra buoi ru bayag muno.

1 SAMUIL 26:23

Tuhan masalok mambarakat ra ulun ondo' gumagaya' am mabanis guang. Kabalu' pana ra orou raiti' okou pinataak No noyo raki', kaa' kalo lumaat aku rirun, raja' ondo' pinili' noyo ru Tuhan.