1 SAMUIL 21:7 - Tanou Moonsoi Timugon

⁷ Nakainamot ra i Doig ulun ru Idom, tingganai ru magagalung ra bibiag tinambiag ru Raja' Saul, soroi ra giu' no paat ra orou raginio koson manugut ra pabaalin ru ugama.)

1 SAMUIL 21:7 ပူးပေါင်းရင်းမြစ်များ

1 SAMUIL 22:9

I Doig, tingganai ru magagalung ra bibiag tinambiag ru Raja' Saul, niayuk soroi ra giu' no nabaya' ra pagawai-pagawai ru raja', kon boo ri Doig, “Nakakito aku ri Daut minatong ri Agimilik anak ri Agitub, giu' ra Nob.

MATIUS 15:8

Ragu ri Aki Kapuuno', ‘Ulun koson raginio mongompor Raki' ra ragu nilono ayuk, kaa' sotopot no guang nilono maalur intor Raki'.

AMOS 8:5

Kamin, “Sanggilan kia maampus orou pangiantakan maa' raginio makapantalan takau poyo ra gandum? Mabuoi kaga' pangiantakan ti. Sanggilan kia sailan ru orou Sabat maa' raginio makapantalan takapo? Itakau pana makitaak ra masawat toojo logo. Pakayon takau panuku' am timbangan ondo' kalo motopot koson mamparuung ra ulun mambali.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

2 TUNUNG RU BANSA' ISRAIL 26:10

Binaal no niayuk manara-manara mokoondo' ra kubu giu' ra tana' malimparang am nangkali ra tulubong-tulubong, sabap ra mokoondo' io ra masuang bibiag tinambiag giu' lonson toojo ru bulur tampilon ra kalasaan am giu' ra tana' marata'. Raja' Ujia masaga' ra pagitanaman; ginio ra nagangat ra mamagun maa' raginio manangumo ra anggur giu' ra tampilon kabuluran am magitanom ra tana' ondo' malabung.

1 SAMUIL 14:47

Kopongo raginio Raja' Saul nasauk ra raja' ru ulun ru Israil, nangayou io ra ngaangai' pantula' nano ra ati-ati intok: Ulun ru Moab, Amon am Idom; raja' ru pagun Joba am ulun ru Palistin. Ati ayuk intok ru Raja' Saul mangayou, masalok io mamanang.

1 SAMUIL 11:5

Paat raginio kakauli' ayuk ru Raja' Saul intor ra umo nabaya' ra sapi'-sapi' nano. Kuati' no, “Atan kinua'? Kua pantangi' ngaangai' ru ulun?” Nalingas io binalaan ra tanou ondo' inibit ru ulun-ulun sinusub intor ra Jabis.

KASAUKAN 26:20

Kaa' ulun magagalung ru bibiag ra bandar Girar makimansangor ra ulun magagalung ru bibiag ri Isak, konilo, “Akai ra timug ti.” Ginio ra inggalani' ri Isak tulubong raginio “Pansangaran”.

1 SAMUIL 21:8

Nangkuot i Daut ri Agimilik, “Binulian mu kia tutura' kapoam ilang ondo' mapakai kuno? Susuban ru raja' no namulali' kaga' saboi naagou-agou aku minugar am kalo boo nakasimbat nangalap ra ilang kapoam kinandoi ra bokon.”

1 SAMUIL 22:22

Indagu i Daut riso, “Paat ra aku nakakito ri Doig ra orou raginio, nakapandai aku ra maaru' mambala' io ra Raja' Saul. Ginio ra aku noyo ondo' mansaan ra pinatayan ru ngaangai' ru sasambaloi muno.

IMAMAT 22:10

“Ulun intor ra sasambaloi ru imam no ayuk ondo' makaakan intor ra taak simbalui ondo' palilion ayuk no. Ulun ra bokon kalo makaakan raginio, kabalu' pana mayan ulun no masimpung ra imam, kapoam ulun no mangngandoi ra imam.

IMAMAT 22:13

Kaa' anak ruandu' ru imam ondo' napuor noyo, kapoam ondo' inali am kolondo' anak, am minayan saguli' ra ama' nano am ama' nano mampakan riso, makaakan ra akanon ondo' maapu ru ama' nano ra imam no. Sasambaloi ru imam ayuk makaakan ra taak simbalui no.

IMAMAT 24:5

Alapo' noyo ruo ngoopor am apat ngakilogram tapung ondo' moonsoi kaga' am pambaal no ra mopor am ruo ngantaun ruti'; rondo' ruti' baalon intor ra ruo ngakilogram tapung ondo' moonsoi kaga'.

IMAMAT 24:8

Koson ra sabubuoi no, paat ra moonong orou Sabat, musiti' ruti' no pabantaan giu' ralalom Kim ru Tuhan. Gitio noyo imayaan ru ulun ru Israil ra sabubuoi no.

1 SAMUIL 22:10

Nakitulu' i Agimilik intor ra Tuhan intor ra atan musiti' baalon ri Daut. Kopongo raginio linutuan ri Agimilik i Daut ra akanon am nangani' riso ra ilang ri Goliat, ulun ru Palistin no.”