1 SAMUIL 21:5 - Tanou Moonsoi Timugon

⁵ Taam i Daut, “Totopot kalo! Ulun-ulun kuno magail mapasau, kabalu' pana mapaugar ra kandoi kaindalaman ayuk; atan poyo ra raino ti paat ra akai mapaugar ra kandoi timpokon ti!”

1 SAMUIL 21:5 ပူးပေါင်းရင်းမြစ်များ

KAINGKUALAN 19:14

Tuun boo i Musa intor ra gunung am panusub ra ulun raginilo tumampos ra sumambayang. Mampupu' ilo ra bayang,

KAINGKUALAN 19:15

indagu boo i Musa risilo, “Tampos kano ra orou malaas, am liliwa' ragitio kalo parulugon kau.”

KAINGKUALAN 25:30

Musiti' mija' no pabantaan ra saang ru Kaban Nabantuan, am musiti' rasawat ru mija' no magail pabantaan ruti' ondo' pataakon Raki'.”

IMAMAT 24:9

Ruti' no tayar ri Arun am papag nano. Musiti' nilo akanon ruti' no giu' ra intok mapasau, sabap ra ruti' no tayar ondo' mapasau kaga' intor ra taak akanon ondo' pataakon ra Tuhan ra tayar ru imam-imam.

IMAMAT 8:26

Kopongo raginio, alap i Musa rondo' ruti' intor ra sambakul ruti' ondo' kalo linatakan ra ragi, ondo' patimpokon noyo ra Tuhan, am niayuk rondo' ruti' makakapal ondo' binaal ra umau, am niayuk rondo' ruti' malilis, ngaangai' no patampako' no boo ra rasawat ru lomok am paa ra pamiris ru domba gawayan no.

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

1 KORINTUS 7:5

Pai' pagimpong ra rondo' am bokon, ondo' ak am ra kukula' buoi ayuk, amon ru mangiou karuruo, maa' raginio makapakiasi' kau toojo. Kaa' kopongo raginio, karuruo no musiti' marampit saguli'. Maa' raginio kalo makinibitan kau ru Tingganai ru riwato no sabap ra kalo moorot min kasagaan ru guang mino.

1 PITRUS 3:17

Sabap ra moonsoi poyo maimbolo' sabap ra mambaal ra moonsoi – amon ru ginio noyo kasagaan ri Aki Kapuuno' – intor ra maimbolo' sabap ra mambaal ra malaat.