1 SAMUIL 21:12 - Tanou Moonsoi Timugon

¹² Ragu-ragu raginio nakajajou ra pangkaraan ri Daut, am nalaa' io kaga' ra Raja' Akis.

1 SAMUIL 21:12 ပူးပေါင်းရင်းမြစ်များ

KASAUKAN 26:7

Paat ra mangkuot mamagun ru Girar riso intor ri Ribika, taamon ri Isak ra boborok ruandu' nano. Marara' io mambala' ra i Ribika andu' nano, sabap ra malaa' io potoyon ru ulun koson mangalap ri Ribika ondo' mantalur kaga' no.

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 34:4

Baya' kau raki' mapatulai ra Tuhan, ibok am omporo' takau inggalan Nano.

MAZMUR 56:3

Monsongorou pantula' kuno mamulunsar raki'; masuang ulun gumula' raki'.

LUKAS 2:19

Kaa' kinara' am ginuang ri Maria ngaangai' baal raginio.

LUKAS 2:51

Kopongo ragili, saguli' i Jisus baya' ra matuo Nano ra Nasarit am gumagaya' risilo. Nampaguang ina' Nano ra ngaangai' raginio.

1 SAMUIL 18:7

Liliwa' nansasayau ruandu'-ruandu' narimbai koson ragitio, “Raja' Saul namatoi ra riribu ngaulun pantula', kaa' i Daut namatoi ra opor-opor ngaribu ngaulun pantula'.”

1 SAMUIL 21:10

Paat ra orou raginio niayuk, nagiru' i Daut intor ra Raja' Saul, am minongoi ra Raja' Akis giu' ra bandar Gat.

1 SAMUIL 21:13

Ginio ra, giu' ra saang nilo i Daut no minitutuyang. Paat ra ilo kuminam mamparakop riso, ilain ayuk ra io kalo matanda'; binalis-balis no kulobon ru bandar no am pinoloso no tiwog nano timinilis ra jangut.