1 SAMUIL 20:8 - Tanou Moonsoi Timugon

⁸ Makiindangan aku rirun sabap ra naigot tano ru nabantuan ra saang ru Tuhan. Kaa' amon ru aku makasala, potoyo' aku no, kaa' pai' aku pataako' ra ama' muno.”

1 SAMUIL 20:8 ပူးပေါင်းရင်းမြစ်များ

KASAUKAN 24:49

Raino, amon ru nakatampos kano manugut ra baalon maatang mino ra tuan kuno am moonsoi pamakuan min riso, pambala' kano raki', kaa' amon ru kalo, pambala' kau niayuk maa' raginio makapandai aku ra atan baalon kuno.”

KASAUKAN 47:29

Paat ra mamaar noyo io matoi, piawo' no anak nano i Jusup am indagu riso, “Poompoyo' kalindu' muno ra lolot ru karuruo puun ru paa kutu, am pagibot noyo ra kalo mompolobong kou raki' ra pagun ru Misir ti.

2 SAMUIL 14:32

Taam i Absalom, “Sabap ra marara' kou matong paat ra aku mampiau. Masaga' aku mompoongoi rirun uma' ra raja' am mampasaboi ra pangkuatan kutu, ‘Atan onong kuno nangiruan ra Gisur am saguli' ragiti? Moonsoi poyo minayan aku ra giu' ayuk.’ ” Kon poyo ri Absalom, “Piroto' noyo koson makauma' aku ra raja', am amon ru aku ti lakat poyo karaan ra makasala, nakatampos aku no ukumin ra matoi.”

1 TUNUNG RU BANSA' ISRAIL 12:17

Inuma' ilo ri Daut am indagu, “Amon ru matong kau koson ra rangan koson mangindangan raki', pagamung no raki'. Apuon mai akau ra guang maringkuanang. Kaa' amon ru masaga' kau manumbalik raki' am parakapin aku ra pantula', kabalu' pana kalo igondo' aku kalaat ramuyun, i Aki Kapuuno' ondo' sambaan ru kinamatuaan takali makapandai raginio am ukumin No akau.”

MAZMUR 116:11

Kabalu' pana magalabo mindagu aku, “Kolondo' sangulun pana maintopot.”

AMSAL 3:3

Pangintopot kono am gagaya' ri Aki Kapuuno' am niayuk ulun. Karaa' noyo am bulii' noyo baal raginio ra guang muno.

RINALATAN 25:11

Amon ru inanggal ku ukum am nambaal ra kalaatan ondo' maukum ra potoyon, polosoon ayuk aku potoyon. Kaa' amon ru panguwan nilai no kalo motopot, kolondo' sangulun pana makakuasa' mampataak raki' risilo. Kitaakon ku ra aku bisaraan ru Kaisar Roma galama'!”

JOSUA 2:14

Indagu ulun-ulun pansigo no riso, “Polosoon noyo i Aki Kapuuno' mamatoi ramon amon ru kalo suguton mai bantu' maiti. Amon ru kalo mambala' kou ra ulun intor ramon, mambantu' akai ra paat manaak Tuhan ramon ra pagun ti ra maagu no, moonsoi pamakuan mai ramuyun.”

JOSUA 22:22

“Ondo' Maayo Kaga' Kuasa' iono i Aki Kapuuno'! Io noyo Tuhan! Ondo' Maayo Kaga' Kuasa' iono i Aki Kapuuno'! Io noyo Tuhan! Nakapandai Io kua pambaal akai koson raginio am masaga' akai ra akau makapandai niayuk! Amon ru gumuor akai ra Tuhan am kalo mangintopot Riso, potoyo' akai raino niayuk!

RUT 1:8

indagu i Naomi ra karuruo ngaulun anak mangiwan nano, “Uli' kano ra baloi ru ina' mino. Gama' ru gumonsoi Tuhan ramuyun koson akau giminonsoi raki' am risilo ondo' namagatoi.

1 SAMUIL 18:1

Nopongo noyo Raja' Saul am i Daut nagindagu. Kopongo raginio, anak ungkuyon ru Raja' Saul ondo' makainggalan ri Jonatan maansayan kaga' ri Daut, am tumalimpuun motogom riso koson ra io motogom ra inan nano galama'.

1 SAMUIL 18:3

Nagibot i Jonatan koson rumangan ri Daut ra mantilayun, sabap ra motogom io kaga' ri Daut.

1 SAMUIL 20:16

gama' ru nabantuan tano ruo mantilayun. Amon ru masulang nabantuan no, mangukum Tuhan no rirun.”

1 SAMUIL 20:9

Taam i Jonatan, “Pai' kaimamang! Amon ru makapandai aku toojo ra ama' kuno totopot noyo mapajamar rirun, maaru' balain tokou.”

1 SAMUIL 23:18

I Daut am i Jonatan pana nabantu' ra tutun giu' ra saang ru Tuhan. Kopongo raginio minuli' i Jonatan ra baloi nano, am i Daut liminayun ra Oris.