1 SAMUIL 20:41 - Tanou Moonsoi Timugon

⁴¹ Pakaugar lalaing no, miningkual i Daut intor ra tinaulian ru batu pinupug no, am samba intalu. I Daut am i Jonatan nantangi' paat ra ilo nagalok. Kangilukan ri Daut no maayo poyo intor ra kangilukan ri Jonatan.

1 SAMUIL 20:41 ပူးပေါင်းရင်းမြစ်များ

KASAUKAN 29:11

Alaki' no boo i Ragil am pantangi' ra naansukan.

KASAUKAN 29:13

Kaining ri Laban tanou ri Jakub akon nano, pasimbul io rapog riso. Ganggali' no, alaki' no am ibito' no ra baloi. Katunung ri Jakub ngaangai' ondo' nasauk no,

KASAUKAN 33:4

Kaa' pasimbul i Isau rapog ri Jakub, ganggali' no liog ri Jakub am alaki' no io, am pantangi' ilo ruo.

KASAUKAN 42:6

I Jusup koson ra gabenor ru pagun ru Misir nantalan ra gandum ra ngaangai' ulun ra titikop ru tana' ti. Ratong boo pagaka'-pagaka' ri Jusup am kubu ra saang nano.

KASAUKAN 43:28

Taam ilo, “Ama' mai ulipon muno, moonsoi io ayuk.” Igulatur ilo am samba ilo ra saang ri Jusup.

KASAUKAN 45:15

Lakat poyo mantangi', ganggali' ri Jusup pagaka'-pagaka' nano am alok risilo. Kopongo raginio tumalimpuun boo makimansunur sangkaaka' no ri Jusup.

2 SAMUIL 1:2

Suabon no, minatong sangulun ungkuyon mamulok intor ra pangkiman ru Raja' Saul. Koson tatandu' ru mangulir, rinilak ru ungkuyon mamulok no bayang nano am tinaukan ulu nano ra tana'. Ratong io ri Daut am igulatur koson mangurumat riso.

2 SAMUIL 1:26

“Mangiluk guang kuno sabap ra okou, i Jonatan, pabukat kuno. Mapara' bonsoi muno raki'! Mapara' kinatulai ru togom muno raki', am matulai poyo intor ra togom ru ruandu'.

2 SAMUIL 14:4

Ongoi ruandu' no uma' ra raja', am kuku' samba am indagu, “Raja' kuno, indangano' aku!”

2 SAMUIL 19:39

Kopongo raginio Raja' Daut am ngaangai' ru ulun nano liminaup ra Sungoi Jordan. Pangalok Raja' Daut ri Barjilai am pambarakat riso. Kopongo raginio uli' i Barjilai ra baloi nano.

2 SAMUIL 9:6

Paat ri Mipibosit anak ri Jonatan, akupu ru Raja' Saul no nakasaboi, kuku' io samba koson mangurumat ra Raja' Daut. Nanguma' Raja' Daut riso, am indagu, “Mipibosit,” am taam io, “Iou, raja' kuno.”

1 RAJA'-RAJA' 1:16

Igulatur i Batsyiba ra saang ru raja', am pangkuot raja' no riso, “Atan kia kitaakon muno?”

1 RAJA'-RAJA' 1:23

Binalaan Raja' Daut ra ratangan ru Nabi Natan, am umpos Nabi Natan am igulatur ra saang ru raja'.

1 RAJA'-RAJA' 1:31

Igulatur i Batsyiba am indagu, “Naayag kou, raja' kuno!”

RINALATAN 20:37

Nantatangi' ilo ngaangai' liliwa' giminanggol ilo ri Paulus am indagu ra tumoojo.

1 SAMUIL 10:1

Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano:

1 SAMUIL 18:3

Nagibot i Jonatan koson rumangan ri Daut ra mantilayun, sabap ra motogom io kaga' ri Daut.

1 SAMUIL 20:40

Pinataak ri Jonatan kuliamos panah nano ra lalaing no am nanusub riso magibit raginio sumaguli' ra bandar.

1 SAMUIL 24:9

Kaa' sinunu' ri Daut no Raja' Saul giu' ra liwar ru luang batu am nampiau intor ra bakulung nano, “Raja' kuno!” Nangkaili Raja' Saul, am kuku' i Daut ra sumamba

1 SAMUIL 25:23

Pakakito i Abigail ri Daut, nagindibok io tuun intor ra kaladai nano am samba