1 SAMUIL 20:3 - Tanou Moonsoi Timugon

³ Taam i Daut, “Nakapandai ama' muno ra motogom kou kaga' raki'. Ginio ra kalo nambala' ama' muno rirun ra atan ondo' inatang nano, maa' raginio kalo mangiluk guang muno. Magibot aku ralalom inggalan ru Tuhan ondo' naayag ra sotopot no kaayagan kutu matikapulir ra kapatayan!”

1 SAMUIL 20:3 ပူးပေါင်းရင်းမြစ်များ

2 SAMUIL 15:21

Kaa' taam i Itai, “Raja' kuno, magibot aku rirun, ralalom inggalan ru Tuhan ondo' naayag ra ati ayuk angayan muno, musiti' aku maya' niayuk, kabalu' pana makauma' ra patayan.”

2 RAJA'-RAJA' 2:2

Giu' ra tanga' ralan indagu i Ilia ri Ilisa, “Soroi ayuk ragiti; Tuhan nanusub noyo raki' mongoi ra Bitil.” Kaa' taam i Ilisa, “Magibot aku sabap ra gagaya' kuno ra Tuhan ondo' maayag am okou ra kalo iruanin tokou.” Ginio ra ilo ruo minongoi ra Bitil.

2 RAJA'-RAJA' 2:4

I Ilia pana mindagu boo ri Ilisa, “Soroi ayuk ragiti; Tuhan no nanusub noyo raki' mongoi ra Jiriko.” Kaa' taam i Ilisa, “Magibot aku sabap ra gagaya' kuno ra Tuhan ondo' maayag am okou ra kalo iruanin tokou.” Ginio ra ilo ruo minongoi ra Jiriko.

2 RAJA'-RAJA' 2:6

I Ilia pana mindagu boo ri Ilisa, “Soroi ayuk ragiti; Tuhan no nanusub noyo raki' mongoi ra Sungoi Jordan.” Kaa' taam i Ilisa, “Magibot aku sabap ra gagaya' kuno ra Tuhan ondo' maayag am okou ra kalo iruanin tokou.” Ginio ra rinayus nilo pangkiralanan.

MAZMUR 116:3

Kapatayan liminibung raki'; am lobong ra makalalaa' liminiput raki'; malaa' aku kaga' am magalabo.

JIRIMIA 38:16

Ginio ra kalinuos ayuk ru Raja' Jidikia nambantu' raki', “Magibot aku ralalom inggalan ru Tuhan ondo' maayag, ondo' nangani' ritakau ra painawo, ra kalo ukumin tokou ra matoi kapoam pataakon kou ra ulun ondo' masaga' mamatoi rirun.”

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

SAGULION 28:66

Bayag mino masalok makalalaa'. Matawang am molondom kalaanan ngai' min ak, magail kau malaa' ra kapatayan.

SAGULION 6:13

Urumato' noyo Tuhan i Aki Kapuuno' min am samba Riso ayuk am baalo' noyo bantu' min ralalom ru inggalan Nano ayuk.

IBRANI 6:16

Paat ra ulun magibot, alapon nilo inggalan ru ondo' maayo kuasa' intor risilo, bagu kolondo' boo pantataaman.

1 SAMUIL 1:26

Indagu i Ana ri Ili, “Tuan, lakat mu poyo kia makara' aku? Aku noyo ruandu' ondo' nakito muli minigor ragiti ragili, ondo' nakiasi' ra Tuhan.

1 SAMUIL 17:55

Pakakito Raja' Saul ri Daut giminula' ri Goliat, nangkuot io ri Abnir, panglima saujor nano, “Abnir, osoi ra anak kia buayoi raginio?” Taam i Abnir, “Raja' kuno, kalo nakapandai aku.”

1 SAMUIL 20:2

Taam i Jonatan, “Pai' indagu koson raginio! Sabap ri Aki Kapuuno' no, kalo potoyon kou! Masalok ama' kuno mambala' raki' ra ngaangai' ru inatangan nano, ondo' maatang kapoam ondo' kalo maatang. Kalo igondo' io pambuni ra atan pana raki'. Kalo motopot baal raginio!”

1 SAMUIL 20:4

Kon ri Jonatan, “Suguton ku atan ayuk kitaakon muno.”

1 SAMUIL 25:26

Tuhan nanginggalar noyo rirun ra mansuli' am mamatoi ra pantula' muno. Raino magibot aku ralalom inggalan ru Tuhan ondo' naayag ra pantula' muno am ngaangai' ru ulun ondo' masaga' lumaat rirun ukumin koson ri Nabal.

1 SAMUIL 27:1

Nangkara' i Daut, “Atan pana kulaan niayuk, rondo' orou no Raja' Saul no mamatoi raki'. Moonsoi poyo magiru' aku giu' ra pagun ru ulun ru Palistin. Mopongo raginio Raja' Saul no kalo boo maguyum raki' giu' ra Israil, am aku pana mamimio.”