1 SAMUIL 20:13 - Tanou Moonsoi Timugon

¹³ Kaa' amon ru makaguang io koson mapajamar rirun, polosoon noyo Tuhan no mamatoi raki' amon ru kalo mambala' aku rirun ra baal raginio am mamayag rirun. Gama' ru mabaya' Tuhan no rirun koson Io mabaya' ra ama' kuno ragili!

1 SAMUIL 20:13 ပူးပေါင်းရင်းမြစ်များ

2 SAMUIL 19:13

Panusub niayuk Raja' Daut risilo mindagu ri Amasa, “Okou pabukat kuno. Intor raino lantikon tokou masauk ra panglima saujor koson malit ri Joab. Polosoon noyo i Aki Kapuuno' mamatoi raki' amon ru baal raginio kalo baalon ku!”

2 SAMUIL 3:35

Nonsongorou ulun nangkinam nanimayo ra Raja' Daut maa' raginio mangakan kasanganu, kaa' nagibot io, “Polosoon noyo i Aki Kapuuno' no mamatoi raki', amon ru mangakan aku ra atan-atan ra kalo poyo mokotolop mato ru orou!”

2 SAMUIL 7:15

Kaa' mantilayun togom Kuno riso nontopot ra bantu' Kuno. Bantu' Kuno riso rayuson Ku guuton, am sala' ka koson binaal Kuno ri Saul ondo' ininggi' Ku intor ra intok nano maa' raginio okou masauk ra raja'.

1 RAJA'-RAJA' 1:37

Koson ra Tuhan nabaya' rirun, gama' ru Io niayuk mabaya' ri Salomo am mampasauk ra pamarintaan nano langkaya' poyo intor ra pamarintaan muno.”

1 RAJA'-RAJA' 19:2

Nangator i Ijibil ra tanou ri Ilia, kono, “Polosoon noyo dewa-dewa mamatoi raki', amon ru susuab no paat ra raino ti pamakuan kuno rirun kalo nogondo' koson ra pinamakuan mu ra nabi-nabi no.”

1 RAJA'-RAJA' 20:10

intor ra Raja' Bingadad, “Raja' maino matong ra masuang kaga' saujor koson mamuso ra bandar mutu, saboi makapagibit ilo ra kaau intor ra nangaurus ru bandar ralalom ru kalindu' nilo. Nagibot ilo maa' raginio dewa-dewa mamatoi riso amon ru kalo mambaal io raginio!”

1 TUNUNG RU BANSA' ISRAIL 22:11

Kon poyo ru Raja' Daut, “Ginio ra, okou anak kuno, gama' ru Tuhan, i Aki Kapuuno' muno masalok mabaya' rirun. Gama' ru makasugut kou mambaal ra baloi ru Tuhan koson ondo' binantu' Nano.

1 TUNUNG RU BANSA' ISRAIL 22:16

koson ra ulun manukang ra mas, ulun manukang ra pirok, ulun manukang ra gangsa' am ulun manukang ra basi'. Patalimpuuno' noyo kandoi no ra mataki'! Gama' ru Tuhan mabaya' rirun.”

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

PILIPI 4:9

Suguto' min atan ondo' noowot min noyo intor raki', koson ra atan ondo' nakabala' kapoam binaal kuno. Am i Aki Kapuuno' ondo' manaak ra pabansayan mabaya' boo ramuyun.

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

RUT 1:17

Ati ayuk patayan muno, giu' niayuk patayan kuno am labangan kuno. Polosoon noyo Tuhan mangukum raki' ra maagat pana amon ru mopoloso aku ra atan-atan mampatuliar rito ondo' ak am kapatayan.”

1 SAMUIL 10:7

Paat ra masauk baal raginio, baalo' atan ayuk limanin muno ra moonsoi, sabap ra i Aki Kapuuno' mabaya' rirun.

1 SAMUIL 14:47

Kopongo raginio Raja' Saul nasauk ra raja' ru ulun ru Israil, nangayou io ra ngaangai' pantula' nano ra ati-ati intok: Ulun ru Moab, Amon am Idom; raja' ru pagun Joba am ulun ru Palistin. Ati ayuk intok ru Raja' Saul mangayou, masalok io mamanang.

1 SAMUIL 17:37

Namayag noyo Tuhan no raki' intor ra singa' am baawang; Mamayag Io niayuk raki' intor ra ulun ru Palistin no.” Indagu i Saul, “Iou noyo. Ongoi no, gama' ru Tuhan no mabaya' rirun.”

1 SAMUIL 18:12

Nalaa' Raja' Saul ri Daut sabap ra Tuhan mabaya' ri Daut, kaa' Tuhan no nangiruan noyo ra Raja' Saul.

1 SAMUIL 19:3

Mongoi aku ra padang mabaya' ra ama' kuno am migor mamaar ra intok pansibunian muno. Raguin ku boo io intor ra kuayan nano rirun. Amon ru mapandayan ku, mambala' aku rirun.”

1 SAMUIL 20:12

am indagu boo i Jonatan ri Daut, “Gama' ru Tuhan, i Aki Kapuuno' ru Israil no masauk ra sasi' to. Susuab no kapoam malaas no ra olo'-olo' paat ra raino ti, mirot aku koson manutun ra suang ru guang ru ama' kuno. Amon ru manampaliso moonsoi io rirun, kirimin tokou ra tanou.

1 SAMUIL 20:14

Amon ru lakat aku poyo maayag, karaa' noyo ra nabantuan tali giu' ra saang ru Tuhan am gagaya' no raki'; kaa' amon ru kalio aku no boo,

1 SAMUIL 25:22

Polosoon noyo i Aki Kapuuno' no mamatoi raki' amon ru kalo mamatoi aku ra moonong ungkuyon ra giu' no ra kalo poyo makasirang mato ru orou!”

1 SAMUIL 3:17

Nangkuot i Ili, “Atan kia rinagu ru Tuhan rirun? Tunungo' ngaangai' no raki'. Amon ru mokoondo' ondo' bunion muno, maaru' maagat pangukum rirun no ri Aki Kapuuno'.”