1 SAMUIL 20:1 - Tanou Moonsoi Timugon

¹ I Daut pana nagiru' boo intor ra Nayot mamaar ra Rama, am minongoi uma' ri Jonatan. Pangkuot io ri Jonatan, “Atan kinua' binaal kutu? Atan kinua' kasalaan kutu? Atan kinua' tula kutu ra ama' muno saboi ra ama' muno masaga' mamatoi raki'?”

1 SAMUIL 20:1 ပူးပေါင်းရင်းမြစ်များ

MAZMUR 54:3

Bayago' aku no ra kuasa' Muno, iou Aki Kapuuno'; ra kaikangan Muno palabuso' aku no.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;

1 JUANIS 3:21

Pabukat kau ngaangai' ondo' tagamin kuno! Amon ru guang takau kalo sumonsol ritakau, makakau' takau makiasi' ra saang ri Aki Kapuuno'.

1 SAMUIL 12:3

Raino ti, migor aku ra saang min. Amon ru nambaal aku noyo ra kasalaan, panguu' kano raki' ra saang ru Tuhan am raja' ondo' pinili' Nano. Igondo' aku kia nampagaau ra sapi' kapoam kaladai ru ulun ra bokon? Igondo' aku kia namparuung kapoam nangimbolo' ra ulun bokon? Igondo' aku kia nangapu ra rasua intor ra ulun? Raguo' ayuk, maa' raginio atan ayuk ondo' inalap kuli pasagulion ku.”

1 SAMUIL 19:1

Nambala' Raja' Saul ri Jonatan, anak ungkuyon nano am ngaangai' ru pagawai nano ra nangatang io koson mamatoi ri Daut. Kaa' motogom kaga' i Jonatan no ri Daut,

1 SAMUIL 19:18

Nagiru' i Daut am minongoi ri Samuil giu' ra Rama. Nambala' i Daut ri Samuil ra ngaangai' ondo' pinamakuan ru Raja' Saul no riso. Kopongo raginio i Daut am i Samuil minongoi ra Nayot am minayan ra giu'.

1 SAMUIL 20:2

Taam i Jonatan, “Pai' indagu koson raginio! Sabap ri Aki Kapuuno' no, kalo potoyon kou! Masalok ama' kuno mambala' raki' ra ngaangai' ru inatangan nano, ondo' maatang kapoam ondo' kalo maatang. Kalo igondo' io pambuni ra atan pana raki'. Kalo motopot baal raginio!”

1 SAMUIL 20:32

Taam i Jonatan, “Kua musiti' io matoi? Atan kia tula nano?”

1 SAMUIL 24:11

Raino nakaili' kou galama' ra giu' ra ralalom ru luang batu ni, pinataak kou noyo ru Tuhan no raki'. Sinusub aku ru kukula' ngaulun ulun kuno koson mamatoi rirun, kaa' marara' aku. Tinaam ku ra kalo masaga' aku mapakaruol ra raja' ondo' pinili' noyo ru Tuhan.

1 SAMUIL 24:12

Ilai' noyo ama'! Ilai' noyo putul ru sukub mutu ondo' ginuut kutu! Sotopot no mapatoi tokou, kaa' pinutul ku ayuk koborok kiing ru sukub muno. Baal ragitio napainono' ra aku ti kalo nampaguang ra malaat kapoam manggal. Nangingilou kou raki' koson mamatoi raki', kabalu' pana kolondo' sala kuno ra sanganu pana rirun.

1 SAMUIL 24:17

Kopongo i Daut minindagu raginio, indagu Raja' Saul, “Motopot kia ra okou i Daut, anak kuno?” Nantangi' boo Raja' Saul.

1 SAMUIL 24:9

Kaa' sinunu' ri Daut no Raja' Saul giu' ra liwar ru luang batu am nampiau intor ra bakulung nano, “Raja' kuno!” Nangkaili Raja' Saul, am kuku' i Daut ra sumamba

1 SAMUIL 26:18

Indagu poyo i Daut, “Kua kia lakat kou poyo mangilou ra ulipon muti? Atan kia boo binaal kutu? Atan kia boo kasalaan kutu?