1 SAMUIL 2:9 - Tanou Moonsoi Timugon

⁹ “Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.

1 SAMUIL 2:9 ပူးပေါင်းရင်းမြစ်များ

AYUP 18:18

Intor ra tana' ru ulun ondo' maayag, pagiruon ilo, pagiruon intor ra sinda mongoi ralalom kalandaman.

AYUP 40:13

Lobongo' ilo ngaangai' giu' ra ralalom ru tana'; aputo' ilo giu' ra tana' ru ulun minatoi.

AYUP 5:16

Nangani' Io ra kalansanan ra ulun musikin, am nangimut ra kabang ru kolondo' katimpakan.

AYUP 5:24

Kaayagan muno moonsoi giu' ra ralalom ru kim muno; paat ra okou manguntob ra domba muno, ngaangai' no soroi.

MAZMUR 1:6

Ulun ondo' gumagaya' ilaan am ampinin ru Tuhan kaa' ulun ondo' malaat makarapog kapaganan maaja'.

MAZMUR 105:37

Kopongo ragili tiningganai No ulun ru Israil miningkual; inibit nilo pirok am mas, ilo ngaangai' maikang am maligag.

MAZMUR 121:3

Kalo polosoon No akau maratu'; manindung ramuyun no kalo nombolong.

MAZMUR 121:5

Tuhan magalung ramuyun; soroi Io ra kiing mino koson manindung ramuyun.

MAZMUR 121:8

Ampinon kau ru Tuhan bulintok ra akau mintor am sumaguli', intor raino saboi ra sabuoi-buoi no.

MAZMUR 145:20

Ampinin No ngaangai' ulun ondo' motogom Riso, kaa' pusoon No ulun ra malaat.

MAZMUR 31:17

Gama' ru apuon Mu ulipon Muno; sabap ra togom Muno bayago' aku no.

MAZMUR 37:28

sabap ra Tuhan masaga' ra ondo' motopot, am kalo manatang ra ulun Nano ondo' gumagaya'. Sindungin No ilo ra sabuoi-buoi no, kaa' sayat ru ulun malaat inggalarin.

MAZMUR 94:18

Bulintok ra aku mangkara' ra maratu' aku, togom Muno, iou Tuhan, mampaguut raki'.

MAZMUR 97:10

Motogom Tuhan ra ulun ondo' masisang ra kalaatan; sindungin No kaayagan ru ulun Nano, am mamayag risilo intor ra kuasa' ru ulun malaat.

AMSAL 16:9

Ulun mambaal ra inatangan, kaa' i Aki Kapuuno' mangaru' ra ralan kaayagan ru ulun.

AMSAL 2:8

Ampinin No ulun ondo' mabanis guang, mangampin ra ulun ondo' gumagaya' Riso.

AMSAL 3:26

Tuhan magalung rirun. Kalo polosoon No okou mabangkil.

MAMPATANOU 5:17

Pamatasan kuno koson ragitio: moonsoi ulun mangakan, manginum, am sumia' ra ampos ru kandoi nilo ralalom ru kaayagan mariwa' ondo' tinaakan ri Aki Kapuuno'. Ginio noyo nasip ru ulun.

MAMPATANOU 9:11

Mokoondo' poyo ondo' nakito ku ra tana' ti: ulun masimbul ondo' maribok kalo masalok manang, am ulun ondo' baani kalo masalok manang ralalom pangayawan. Ulun mapintar kalo masalok makaalap ra ruit, ulun mapandai kalo masalok masauk ra langkaya', am ulun ondo' maikang kalo masalok makaalap ra intok masawat kaga'. Nasip malaat lumumpa' ra moonong ulun.

JISAYA 27:3

“Magalung Aku ra umo no am masalok Ku uasin. Orou rondom Aku mantamung maa' raginio kolondo' sangulun pana mampalipok.

JISAYA 47:5

Tuhan mindagu ra Babil, “Pongkoror, am subol no ra kalandaman! Kalo boo sasabiton kou ‘Ralaa mantalur ru ngaangai' bansa'.’

JIRIMIA 8:14

Indagu ulun ri Aki Kapuuno', “Kua kolondo' atan kon binaal takau? Ibok takano pagiru' ra bandar-bandar ondo' mokoondo' ra kubu; polosoon noyo itakau matoi ra giu' no. Tuhan, i Aki Kapuuno' takau namatas noyo koson mompoloso ritakau maluus. Nangani' Io ritakau ra tuuwo inumon sabap ra makatula takau Riso.

JIRIMIA 9:23

Indagu Tuhan, “Ulun mapintar kalo mamanggo sabap ra kapintaran nilo, ulun maikang kalo mamanggo sabap ra kaikangan nilo, am ulun langkaya' kalo mamanggo sabap ra kalangkayaan nilo.

NAGUM 1:8

Pusoon No ngaangai' pantula' Nano, Io koson ra liur maayo ondo' nakalumpa' risilo. Binutus No painawo ru ulun ondo' manggal ra kasagaan Nano.

JIPANYA 1:15

Orou raginio orou sangitan, orou kapaganan am pagalabaan, orou karatuan am kapusaan, orou kalandaman am maitom, orou ondo' majuut am masait.

JAKARIA 4:6

Nanusub malaikat no raki' nampasaboi ra tanou ru Tuhan ti ri Jirubabil, “Makasugut kou sala' ka kaikangan ru saujor kapoam kaikangan muno galama', kaa' ra Ambiluo Kuno.

UNTABAN 6:24

Gama' ru mambarakat am magalung Tuhan ramuyun.

MATIUS 8:12

Kaa' ulun-ulun ondo' sotopot no masauk ra ulun ri Aki Kapuuno' patirin giu' ra lisar ondo' molondom no. Giu' no pasalangis am sakuritot ayuk boo ripon nilono sabap ra maruol kaga'.”

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

SAGULION 33:3

Motogom Tuhan ra ulun Nano; Mangampin Io ra ngaangai' ulun ondo' masauk ra longgom Nano. Ginio sabap ra kumubu takau ra saang Nano, am gumagaya' ra susuban Nano.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

2 PITRUS 2:17

Ulun-ulun migigiangku ra mangingila' no mogondo' ra taur napua' kapoam gaun ondo' siniaban ru bagiu' mapuor. Pinatampos noyo ri Aki Kapuuno' risilo rondo' intok molondom toojo.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus:

JUDAS 1:13

Koson ra kinulun mapuor ru raat manamputa', ilo mampakito ra baal nilo ondo' makauyuyu'. Ilo ti koson ra butitin ondo' pabanding-banding, ilo inaru' noyo ri Aki Kapuuno' ra intok molondom kaga' suku' ra mantilayun.

JUDAS 1:3

Pabukat kau ngai' ondo' tagamin ku! Mokoondo' noyo guang ku ra buoi ti koson manulis raan ramuyun intor ra pamayagan ti ondo' inapu takali. Kaa' raino ti malimanan ku ra moonsoi ru manulis aku noyo ramuyun ra surat ti koson anggalon min ilo ondo' tumula' ra pangilaan motopot intor ri Aki Kapuuno', ondo' pinataak ra igondo' ayuk ra ulun Nano ra sabuoi-buoi no.

1 SAMUIL 25:26

Tuhan nanginggalar noyo rirun ra mansuli' am mamatoi ra pantula' muno. Raino magibot aku ralalom inggalan ru Tuhan ondo' naayag ra pantula' muno am ngaangai' ru ulun ondo' masaga' lumaat rirun ukumin koson ri Nabal.