1 SAMUIL 2:8 - Tanou Moonsoi Timugon

⁸ Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.

1 SAMUIL 2:8 ပူးပေါင်းရင်းမြစ်များ

KASAUKAN 41:14

Panusub raja' no mampiau ri Jusup am indibaki' io paingkualo' intor ra pangaputan no. Pakapangkaur io ra salub nano am kaaligi' no bayang, ongoi io uma' ra raja' no.

KASAUKAN 41:40

Saukon tokou ra gabenor ra pagun kuti am ngaangai' namagun gumagaya' ra susuban muno. Aku ayuk ondo' makakuasa' poyo intor rirun.

2 SAMUIL 7:8

Ginio ra balai' ulipon Kuno Raja' Daut ra gitio noyo ragu Kutu, Tuhan Ondo' Maayo Kaga' Kuasa' no riso, ‘Nangalap Aku rirun intor ra magalung ra domba giu' ra padang am napasauk Aku rirun ra tingganai ru ulun Kuno Israil.

1 RAJA'-RAJA' 16:2

‘Ragili okou no sala' ka osoi-osoi, kaa' napasauk Aku rirun ra tingganai ru ulun Kuno Israil. Raino makatula kou koson ri Jirobiam, am nangkinibit ra ulun Kuno niayuk makatula. Tula nilono napasingkual ra sangit Kuno.

2 RAJA'-RAJA' 9:6

Kopongo raginio minumpos ilo ruo ra rondo' lamin, am pasasaro' ru nabi mamulok no umau jaitun no ra ulu ri Jigu liliwa' mindagu, “Tuhan, i Aki Kapuuno' ru Israil nampatanou ra, ‘Koon ragitio Aku mampalantik rirun masauk ra raja' ru ulun Kuno Israil.

AYUP 1:21

Indagu io, “Inanak aku ra kolondo' atan pana, am matoi aku ra kolondo' atan pana niayuk. Tuhan ondo' mangani' am raino Tuhan poyo ondo' mangalap saguli'. Koompor noyo inggalan Nano!”

AYUP 2:8

Minongoi i Ayup panturung giu' ra sapapa' ru tinuntur ra ginsamol liliwa' nangaur ra talipos nano ra rondo' poto ru rarapu'.

MAZMUR 102:25

Iou Aki Kapuuno', pai' alapo' painawo kuno, ra aku kalo poyo matutuo. Okou maayag ra mantilayun;

MAZMUR 104:5

Inatang Mu pioto' tana' ti ra napasanaran nano, saboi kalo boo igogondo' mauyog.

MAZMUR 107:41

Kaa' binayag No ulun musikin intor ra kapaganan, am mangkinibit ra sasambaloi nilo makaanak ra masuang.

MAZMUR 24:2

Mambaal Io ra pagun ti ralimbou ru timug, am patampakon no alu nano ra raat ondo' malandom am malangka'.

MAZMUR 75:3

I Aki Kapuuno' minindagu, “Bulintok ra pangaruan Kuno, mangakim Aku ra ulun ra natimpok.

MAZMUR 75:4

Kabalu' pana tana' ti mauyog am ngaangai' ru mamagun monontol, kapioton ku lugu'-lugu' no.

MAZMUR 75:7

Katimpakan kalo matong intor ra sirangon kapoam intor ra kalasaan, intor ra ralayo kapoam rabugus;

JISAYA 22:23

Kapioton ku intok nano koson ra sasangutan pinopopok mapiot ra timbok. Ngaangai' pabukat nano urumaton sabap io.

DANIL 2:48

Kopongo raginio nangani' raja' ri Danil ra intok ondo' masawat, nangani' riso ra tangguang-tangguang ra pinaluntuk, nampasauk riso ra panguasa' ru wilayah Babil am tingganai ru ulun maminson ra raja'.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 6:3

Suai raginio, pinili' no i Danil am ruo ngaulun ra bokon koson magalung ra gabenor-gabenor no am niayuk magalung ra kaatangan ru raja'.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

PINAINTALANG 1:6

Nampasauk Io ritakau ra imam ondo' mabaya' Riso makapamarinta takau am poyo mangandoi ra Ama' Nano, i Aki Kapuuno'. I Jisus Kristus noyo ondo' matulai am makakuasa' ra mantilayun. Amin!

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.

PINAINTALANG 5:10

Nampasauk Kou risilo koson ra imam ondo' mabaya' Rirun mangandoi ri Aki Kapuuno', am mamarinta ilo ra tana' ti.”

1 SAMUIL 15:17

Kon ri Samuil, “Sala' ka kia okou no nasauk ra tingganai ru ngaangai' bansa' ru Israil, kabalu' pana mangkara' kou ra kalo maatang kou? Nampili' noyo Tuhan no rirun nasauk ra raja' ru Israil,