1 SAMUIL 2:7 - Tanou Moonsoi Timugon

⁷ Tuhan no mangkinibit ra santayaran ru ulun musikin, am bokon no pasaukon ra langkaya'. Io mapainggana' ra santayaran ru ulun, am bokon no painsawaton.

1 SAMUIL 2:7 ပူးပေါင်းရင်းမြစ်များ

2 RAJA'-RAJA' 9:6

Kopongo raginio minumpos ilo ruo ra rondo' lamin, am pasasaro' ru nabi mamulok no umau jaitun no ra ulu ri Jigu liliwa' mindagu, “Tuhan, i Aki Kapuuno' ru Israil nampatanou ra, ‘Koon ragitio Aku mampalantik rirun masauk ra raja' ru ulun Kuno Israil.

1 TUNUNG RU BANSA' ISRAIL 29:12

Ngaangai' rapu' am kalangkayaan intor noyo Rirun; ngaangai' no Okou nanguasa' ra kaikangan am kuasa' Muno; Okou makakuasa' mambaal ra osoi ayuk masauk ra ulun maayo am maikang.

2 TUNUNG RU BANSA' ISRAIL 32:27

Raja' Gijkia nasauk ra langkaya' kaga' am moonong ulun mangurumat riso. Nambaal Raja' Gijkia ra intok-intok pambulian ra mas, pirok, intan, apa' pampagamis ra akanon, perisai am kuliamos-kuliamos mologo ra bokon.

2 TUNUNG RU BANSA' ISRAIL 32:29

I Aki Kapuuno' niayuk nanaak ra domba am sapi' riso, am niayuk masuang kaga' rapu' ra bokon saboi ra io nakapambaal ra masuang bandar.

AYUP 1:21

Indagu io, “Inanak aku ra kolondo' atan pana, am matoi aku ra kolondo' atan pana niayuk. Tuhan ondo' mangani' am raino Tuhan poyo ondo' mangalap saguli'. Koompor noyo inggalan Nano!”

AYUP 40:12

Iou, tantangi' noyo ulun ondo' lumimbau am pakukuo' ilo; umoko' noyo ulun malaat raino niayuk.

AYUP 5:11

Topot i Aki Kapuuno' ondo' napainsawat ra ulun musikin, am napakaansuk ra ulun mapagon.

MAZMUR 102:10

Kaau masauk ra akanon kuno, am inumon kuno mararatok ra lomou

MAZMUR 75:7

Katimpakan kalo matong intor ra sirangon kapoam intor ra kalasaan, intor ra ralayo kapoam rabugus;

MAZMUR 75:8

i Aki Kapuuno' noyo galama' masauk ra akim, mokoondo' inukum am mokoondo' pinalabus.

AMSAL 22:2

Ulun langkaya' am ulun musikin mokoondo' rondo' pogondo': Karuruo no binangun ru Tuhan.

JISAYA 2:12

Orou raginio Tuhan Ondo' Maayo Kaga' Kuasa' mapainggana' ra ngaangai' ulun ondo' minsawat guang, am mangukum ra ngaangai' ulun malilimbau.

JIRIMIA 49:15

Mampalawo Tuhan ramuyun, am kolondo' sangulun pana mangurumat ramuyun.

YEHEZKIEL 17:24

Ngaangai' puun tataun giu' ralalom ru pagun makapandai ra Aku noyo Tuhan. Tagaron Ku puun tataun ondo' masawat, am mambaal ra puun tataun ondo' magana' sumawat. Polonoton Ku puun tataun ondo' masansam, am mambaal ra puun tataun ondo' mapua' sumansam. Aku, Tuhan nakaindagu noyo. Suguton Ku ngaangai' ondo' rinagu Kuno.”

JAKUBUS 4:10

Paingganaa' noyo guang mino ra saang ru Tuhan, am painsawaton kau boo ru Tuhan.