1 SAMUIL 2:30 - Tanou Moonsoi Timugon

³⁰ Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.

1 SAMUIL 2:30 ပူးပေါင်းရင်းမြစ်များ

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

2 TUNUNG RU BANSA' ISRAIL 15:2

io pana minongoi uma' ra Raja' Asa. Kono, “Rongogo' aku, okou Raja' Asa, am akau ngaangai' mamagun ru Jiuda am Binjamin! Tuhan mabaya' ramuyun buoi ra akau mabaya' Riso. Amon maguyum kau Riso, Io pana mangiou am matuum min. Kaa' amon mangiruan kau Riso, Io pana mangiruan ramuyun.

JISAYA 29:13

Mindagu Tuhan, “Bansa' ragitio nangiou sumamba Raki', kaa' ragu-ragu nilono kolondo' onong, am guang nilono maalur intor Raki'. Ugama nilono pangatangan ayuk am kaulayan ru ulun ondo' kinara'.

KAINGKUALAN 29:9

pogoboton ilo niayuk ra abot, am pansigalon ilo. Ginio noyo ralan muno ra patimpokon i Arun am anak-anak nano. Musiti' ilo am papag nilo mangandoi Raki' ayuk koson ra imam ra sabuoi-buoi no.

MAZMUR 91:14

Ragu ri Aki Kapuuno', “Bayagon Ku ulun ra monogom Raki' no, alungin Ku ulun ra mangiou Raki' no koson ra Tuhan.

MAZMUR 50:23

Ulun ondo' mapataak ra ragu paringkuanangan koson ra taak simbalui no koson mangurumat Raki', am ulun ondo' gumagaya' Raki' no bayagon Kuno.”

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.

JUANIS 5:23

Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.

MAZMUR 18:20

Pinalabus No aku intor ra makalalaa'; binayag No aku sabap ra Io manungka' raki'.

JUANIS 8:49

Kon ri Jisus, “Sala', pai' ru sinubol Aku ru riwato. Aku mangurumat ra Ama' Kuno, kaa' akau magasab Raki'.

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

UNTABAN 11:20

kaa' buoi sansila', saboi marualan kau am lua'-lua' sabap ra kual no. Baal raginio masauk sabap nangimpai kau ra Tuhan ondo' soroi ra tatanga' mino. Nambutok kau niayuk Riso ra minindagu ra akau kalo musiti' nangiruan ra Misir.’ ”

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

JUANIS 5:44

Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk.

UNTABAN 35:34

Pai' jamali' tana' intok ayanan mino, sabap ra Aku noyo Tuhan, am mayan Aku ra tatanga' ru ulun ru Israil.”

TINGGANAI RU BANSA' 9:10

Indagu boo puun-puun tataun ra puun ara, ‘Okou ayuk pana masauk ra raja' mai.’

KAINGKUALAN 28:43

Musiti' saluaron ri Arun am anak-anak nano saluar raginio paat ra ilo mumpos ra Kim Kuno, kapoam tumingkuang ra altar koson mangandoi ra imam giu' ra Lamin Pansunuran, maa' raginio kalo matoi ilo mapakito ra tayar ru inan nilo ra kalo maaya' ilain. Gitio noyo aturan inaru' tayar ri Arun am papag nano.”

1 RAJA'-RAJA' 11:11

Indagu Tuhan, “Sabap no ra siminingon kou minanggal ra nabantuan muno Raki', am minanggal kou ra susuban Kuno, magibot Aku ra alapon Ku pamarintaan muno am pataakin ginio ra sangulun ra pagawai muno.

MAZMUR 73:20

Koson ayuk ra inupi lumiot bulintok tumawang, bulintok ra Okou sumukal, iou Tuhan, ilo pana lumiot.

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

AMSAL 4:8

Tagami' noyo kapintaran, am okou pana painsawaton. Gapuso' noyo kapintaran, am okou pana urumaton kaga'.

AMSAL 8:17

Tagamin ku ulun ra motogom raki', ondo' totopot maguyum raki', makatuum raki'.

JIRIMIA 29:32

am nanusub ramuyun manggal Raki', am Aku pana mangukum riso am papag nano. Kolondo' papag nano ondo' mayan ra gino ngai' min. Kalo maayag io koson magilong ra baal-baal moonsoi ondo' baalon Ku ra ulun Kuno. Aku, Tuhan nakaindagu noyo.”

YEHEZKIEL 34:10

Aku, Tuhan Raja', mampatanou ra Aku pantula' min. Alapon Ku domba-domba Kuno intor ramuyun, am domba-domba kalo boo palansanin ramuyun. Kalo boo mangiou Aku ramuyun magalung ra kaatangan min galama' ayuk. Bayagon Ku domba-domba maa' raginio kalo masauk ra akanon min.’ ”

1 RAJA'-RAJA' 2:27

Pinolonggo' ru Raja' Salomo i Abiatar intor ra kandoi nano koson ra imam ru Tuhan. Koon raginio noyo, nasauk noyo atan ondo' rinagu ru Tuhan giu' ra Silo intor ra Imam Ili am papag nano.

1 TUNUNG RU BANSA' ISRAIL 17:18

Atan poyo ondo' maragu kuno Rirun! Nakapandai Kou ra ngaangai' no intor ra ulipon Mutu, kaa' nangani' Kou ra pangurumatan raki'.

2 TUNUNG RU BANSA' ISRAIL 26:18

kuminam manginggalar riso. Konilo, “Raja' Ujia, kolondo' kuasa' mu monolob ra kaminyan koson ra Tuhan. Imam-imam ayuk ondo' papag ri Arun ondo' patimpokon noyo koson ra kandoi raginio. Iruani' intok ondo' matulai ti. Makasala kou noyo ra Tuhan i Aki Kapuuno' am kalo boo barakaton No.”

MAZMUR 18:26

Iou Tuhan, gumagaya' Kou ra ulun ondo' gumagaya' Rirun, am moonsoi Kou kaga' ra ulun ondo' moonsoi.

AMSAL 12:8

Ulun mapintar makaapu ra ompor; ulun sasambungon makaapu ra pagasaban.

JIRIMIA 49:15

Mampalawo Tuhan ramuyun, am kolondo' sangulun pana mangurumat ramuyun.

MALIAKI 2:3

Ukumin Ku anak-anak min, am luitin Ku bulos min ra ampangara' ru bibiag ondo' pataakon min. Mopongo raginio ralaaton kau ru ulun ra nampabujukan ra ampangara'.